دينا تكشف عن عدد مرات زواجها .. تصريحات مثيرة

استعادت ذكريات أول حب في حياتها، حيث كشفت الفنانة دينا عن عدد زيجاتها، مضيفة: أن أكتر واحد حبيته وأنا صغيرة جدا وأتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره، كان أخو هادي الجيار كان اسمه طارق الجيار الله يرحمه، دا أول وأهم حب في حياتي”.

كتبت- دعاء علي 

عدد مرات زيجاتها

و متحدثة عن زيجاتها، خلال لقائها في برنامج “القاهرة اليوم” من تقديم إدوارد ونانسي مجدي عبر قناة “ألفا اليوم” حيث قالت: «اتجوزت 9 مرات، مش رقم مفزع تحية كاريوكا اتجوزت 13 مرة، معنديش مانع أتجوز، بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات لو عليا لأ، أصحابي لما واحدة تطلق بمنعها».

 

 

مفهوم الحب في حياة دينا

وعن مفهوم الحب في حياتها قالت دينا: “أنا رومانسية جدا، بس الحب مش موجود أنت بتخلقه، مفيش حاجة اسمها حب أنت اللي بتبقى عايز تعيش في حالة حب فبتعيش اللحظات السعيدة اللي بتديها لنفسك لحد ما البلونة تفرقع، الحب اللي من أول نظرة دا في المسلسلات التركي”.

 

فشل زيجات دينا

وأضافت دينا: “حبيت كتير، حبيت ناس ارتبط بيهم وحبيت ناس مرتبطش بيهم، أنا مهنتي مش سهلة وارتباط راجل بيا مش سهل ولازم يبقى عندة كمية ثقة بالنفس غير طبيعية، أنا اتطلقت كل الطلاقات عشان أنا رقاصة كل الجوازات مكملتش 3 أو 4 سنين، أقصر جوازه كانت سنتين وأطول جوازه كانت 5 سنين.

 

تعليقات الجمهور

وردت دينا على تعليقات الجمهور الذي يتحدث أن سنها لم يعد مناسبا لمزاولتها لمهنة الرقص قائلة: “أنا حرة، هو أنا بروح لهم أخبط عليهم في البيت أرقصلهم اللي بيضايق ميتفرجش، شغلتنا أنت بتجيبني بفلوس مش ببلاش أنت بتدفعلي، المكان بيجبني بيدفعلي لو أنا مش كفء لا هيجبني ولا هيدفعلي”.

 

 رمضان 2025

على جانب آخر، تشارك دينا في رمضان 2025 في مسلسل “إش إش” بطولة مي عمر وماجد المصري، تأليف وإخراج ماجد المصري