د/ عمار خير لجريدة أسرار المشاهير ..ليس هناك مستحيل والإرادة تصنع الكثير من المعجزات
د/ عمار خير لجريدة أسرار المشاهير ..ليس هناك مستحيل والإرادة تصنع الكثير من المعجزات
حوار : ليليان خليل
اعتادت جريدة أسرار المشاهير أن تنفرد وتسلط الضوء على كل الفنانين والعلماء والأدباء، واليوم معنا شخصية كبيرة فى مجال الطب
معنا دكتور( عمار خير )استشارى
جراحة أمراض القولون السرطاني .
دكتور عمار خير ممكن تعرفنا بحضرتك؟
انا دكتور عمار خير اتولدت في لندن وكان والدي دكتور عثمان في انجلترا إستشاري دم وسافرنا بعد كام سنة السعودية، والفترة الدراسية، كانت في الرياض ودرست الطب في السودان جامعة العلوم الطبية والتطبيقية، في الخرطوم وخلصت الجامعة وسافرت على انجلترا . واشتغلت في لندن وبعدين الى استراليا وخلصت زمالة الباطنة والبورد الاسترالي في الباطنة والجهاز الهضمي وفى استراليا، اشتغلت سنة اضافية، وتخصصت في اكتشاف المنظار المتطور، والجراحة المنظارية وسافرت على اليابان تدريب اضافي . واليابان وكوريا الجنوبية بيعتبروا اكثر دولتين فيهم سرطان المعدة باستئصال الورم دون الجراحة .
عايزين نعرف مين حضرتك ايه هو برنامج الحماية من سرطان القولون؟
ده برنامج المفروض من سن الاربعين لابد من فحص شامل وكشف من حمايه سرطان القولون، ويتطلب عمل منظار للقولون لسلامة الشخص وحمايته هنا في الامارات من عمر الاربعين سنة، للاطمئنان .
والهدف هو التفتيش عن اللحميات في القولون قبل ان تتحول الى ورم سرطاني واذا وجدت يتم ازالتها في نفس اللحظة .
كلمنا يا دكتور عن نسبه نجاح العمليات بالمنظار في المنطقة العربية حاليا؟ وهل في خطورة على المريض ؟
من عام 2019 لحد الآن عملنا عمليات كثيرة بالمنظار وتمت حماية ناس كثيرة من السرطان سوى ابو ظبي او الامارات .
والمرضى الحمد لله في التخصص النادر بشكل يومي للاورام الكبيرة ويتم الإستئصال بالمنظار مع خطة علاجية متطورة.
وايضا الحالات المعقدة أو دول الخليج .
ازاي تم التطور السريع بالذكاء الاصطناعي وايه علاقته بسرطان القولون؟
التطور السريع في العالم عن طريق الذكاء الاصطناعى، واكيد الواحد فخور عن طريق الذكاء الاصطناعي في الجهاز الهضمي وبيساعد الذكاء الاصطناعي اذا كان في لحمية او حاجه خفية بيدي اي اشارة، سوى صوت أو ضوء، أمام الشاشة، وده بيحدث بشكل يومي وأيضا بسبب التشخيص المنظاري وايضا الذكاء الاصطناعي في أمراض المناعة وأمراض الجهاز الهضمي وأمراض اخرى .
هل لديك وقت وسط كل الانشغالات من طب المناظير والعمليات انك تتابع الحركة الفنية أو ممكن تسمع أغاني أو تتفرج على أفلام؟
ولو في حاجة حضرتك بتتابعها او اغاني معينة أو مطربين بتسمعهم نحب نعرف مين يعني ذوق حضرتك الفني اية؟
انا بحب الرياضة، بحب رياضة المشي والجري والسباحة، بحاول يوم بعد يوم إني أمشي حتى لو من البيت إلى الشغل، 5 كيلو رايح جاي بيساعدني إني أتخلص من ضغوط الشغل وبحب الطبيعة جدا.
وبحب الأفلام الوثائقية والكتب الوثائقية وبحب أقرأ التاريخ المصري. أما من ناحية الأغاني بحب اسمع الست ام كلثوم وعبد الحليم، وايضا بحب اسمع عمرو دياب وشيرين وايضا بحب اسمع الفنانين السودانيين .
ياترى ايه أحلامك على المستوى الشخصى وعلى مستوى طب المناظير ؟
بالنسبه لحلمي أتمنى الواحد لما يوصل لمرحلة معينة في الكاريير بتاعه انه يكون عمل فرق في الرعاية الصحية في سرطان القولون .
بالنسبة لسرطان القولون في المنطقه العربيه هنا في التشخيص المبكر والمنظار الاستئصاري من غير استئصال العضو دون جراحه فهو مجال متطور وجديد .
أتمنى ان الواحد كل الناس يفتكروا انه عمل طفرة في علاج القولون السرطاني .
