في حديث شيق للشيخ رمضان عبد المعز على الراديو من شويه بيتكلم فيه عن (نطاعه) رجال هذا الزمن…
* الرجل اللي بيطلع مواصله ويقعد ويسيب امرأه حامل او مسنه واقفه.. وأد إيه ده تصرف بيعكس حال رجال العصر الحالي المؤسف!!
و بالقياس عليه…
* الرجل اللي بيرهق المرأه بتكاليف وواجبات هي مسؤليته في الأساس!!
* الرجل اللي بيطلب من زوجته تشتغل وتصرف على نفسها وعلى البيت وتدفع له من وقت للتاني ما يشبه (الإتاوه) يمكن يرضى عليها وبس يديها ريق حلو!!!
* الرجل اللي بيرمي مسؤليه اهله في الكبر على اخواته البنات، مع إن ربنا لما كرمه بالضعف في الميراث.. ده تكليف والله مش تشريف لسعادته
لأنه المفروض يكون مسؤل عن أمه وأخواته من بعد ابوه ويكون هو امانهم وحمايتهم بعد ربنا!!!
* الرجل اللي تلاقيه ماشي ووراه مراته ومشيلها حمل كبير ويمكن فوق طاقه جسمها بحجه إنه مش عايز يتعب نفسه ولا يأذي ظهره!!!
* الرجل اللي اكل حق أخواته البنات في ميراثهم واستغل ضعفهم وقله حيلتهم لصالحه!!!
* الرجل اللي بيسيب مراته تجري وراء الاولاد في الدروس والتمارين وهو نايم على كنبه بيتهم بيتفرج علي ماتش ولا متابع مسلسل!!
* الرجل اللي يخليها ترجع بالليل لوحدها من عند دكتور ولا مشوار ضروري كان مفروض يكون معاها فيه ويتخانق أدام الجيران علي السلم لأنها متأخره!!!
* الرجل مدعي الفقر اللي بيخبي دخله ويمنع عن زوجته وأولاده اهم حقوقهم عليه في الوقت اللي هو مش حارم نفسه من حاجه!!
* الرجل اللي بيخون زوجته مع كل اللي اقل منها في كل شئ.. وأخد حقها فيه ووزعه عليهم كلام حلو ومعامله كويسه واهتمام وخروج وهدايا ودلع استخسره في الست اللي أعطته الآمان
يوم ما سلمته نفسها وحياتها بكلمه (الله) واللي حرفياً بقيت تفديه بعمرها علشان كانت فاكره إنه (رجل) مؤتمن للعمر كله!!!
* الرجل اللي بيمد إيده ويطول لسانه علي زوجته وأولاده ويهينها أدام أهلها ويمكن في الشارع ولا كأنها عرضه اللي فرج عليه الناس!!
* لفظ (حَرمه) تعني (حُرمته) للي لسه مش فاهم دوره من (ذكور_الزمن_القبيح) !!!
” اتقوا الله في النساء فإنكم أخذتموهن بأمان الله”
