رامي جمال لزوجته في عيد ميلادها “بفكر اطلقك”
رامي جمال لزوجته في عيد ميلادها “بفكر اطلقك”
كتبت : رضوي جمال
نشر الفنان رامي جمال صورة له برفقة زوجته في عيد ميلادها علي موقع تبادل الصور و الفيديوهات “انستجرام”
وعلق برسالة طريفة وكوميديا “يا رب أنت عارف أني اتجوزتها، وهي عيد ميلادها ذكرى الزلزال القوي اللي جه مصر، والنهارده عيد ميلادك برق ورعد وحاجة فلة كده، عرفت أنا ليه لما غنيت سقف كورونا غزت العالم».
وأضاف رامي جمال، في رسالته الساخرة لزوجته: “الحمد لله أننا مخلفناش، لأني واثق أن ابننا كان أكيد هيبقي المسيخ الدجال، نهاية العالم هتبقي بدايتها من بيتنا”.
وأستكمل “كل سنه وأنتي أول وآخر وأحلى وأرخم حاجة في حياتي، بفكر أطلقك علشان أخد الدريسينج والحق يرجع لأصحابه، كل سنة وأنتي طيبة”.
و ردت عليها ناريمان زوجة رامي جمال، علي رسالة الساخرة مختصة الجزء الخاص بخزانة الملابس، إذ كتبت: “أقسم بالله ما هيتحطلك قميص فيها بعد البوست ده، وأنا اللى لسه بقولك أفضيلك حتة، اتقى الله”.
يذكر أن آخر أعمال رامي جمال كان ألبوم “أنا لوحدي”، والذي حقق نجاحًا كبيرًا، ووصل إلى ١٠٠ مليون مشاهدة عبر موقع “يوتيوب”، بجانب تصدره المبيعات وقت طرحه.
التعليقات مغلقة.