رحلة تتألق فيها النجوم لتعبر عبر الأوتار الموسيقية
ستنتقل اليوم جريدة أسرار المشاهير الى موهبة فنية غنائية جميلة قدرت تثبت نفسها في وقت قصير قوي وبدأ يدخل صوتها إلى القلوب وكما اعتادت جريدة أسرار المشاهير أن تلتقي مع الأصوات الجميلة والمواهب الفنية الشابة
موعدنا اليوم مع موهبة شابة مطربة جميلة ومطرب متألق قرروا أن يثبتوا وجودهما في وقت قصير جدا معانا جينا وميلاد….
حوار : ليليان خليل
رحله غنائيه بدأت بالاغاني الهندية .
جينا موهبة غنائية جميلة قدرت تثبت نفسها في وقت قصير جدا وبدأ يدخل صوتها القلوب لكل الناس .
ازاي عرفتي الموهبة وبدأتي بالهندي ولا بدأتى بالعربي؟
انا كنت بغني عربي عادي بس الشعب المصري من عشاق الافلام الهندية وبحبها جدا وكنت بسمع الاغاني وبركز فيها جدا وكتير كان يقولى ودنك موسيقية، بحب اني اسمع واركز فكنت حابة أعمل زيهم بإمكانيات صوتي وبحب الاختلاف فقلت اجرب الهندي واتعمق فيه .
بدأتي انتى وزوجك وكنتوا كابلز حلوين جدا يا ترى هو اللي شجعك؟وفكرة إنكم تبقوا مع بعض، ساعدتك في التجربه انك بقيتي حد مشهور ونفس الفكره لميلاد ولا كل واحد بدأ لوحده ؟
انا وميلاد أول لما عرفنا بعض أول حاجة كنا بنحفظها هي الهندي احنا الاثنين كان ما بينا حاجه، عايزين نجربها طموحنا واحد، وشجعنا بعض جدا وكنا بنحفظ كويس ونكتب الاغاني واحنا الاثنين دويتو مع بعض بنكمل بعض .
عايزه أسال ميلاد واقوله من كلية الاداب قسم فلسفة، لمهندس، وبعدين للموسيقى والاستوديو كلمنا ازاي قدرت توصل وتنجح في التجربة دي والاتجاه الفني؟
أنا بدأت في الغناء من وأنا صغير كنت بغني في الفصل، في حصص الموسيقى وتطور معايا ودخلت كليه الاداب.
واشتغلت في مجال الهندسة لان والدي مهندس، وبعدين وبعد الجيش قررت اني عايز أعمل حاجة بحبها اللي هي الموهبة بقى.
فبدأت أعمل استوديو والهندسة الصوتية وكنت بسهر ليل ونهار، وجينا كانت بتشجعني في كل خطوة في حياتي وبقيت بلعب بيانو وآلات موسيقية كتير وأسمع كثير لتكوين الاغاني وعملنا الاستوديو علشان نخدم نفسنا بنفسنا ونضيف اللمسات الفنية في الأغاني براحتنا.
وزي ما قالت جينا إحنا حقيقي أفكارنا واحدة في الترتيب والغناء وبنحاول نختار الأغاني اللي بتلمس الناس سوا تبقى فكرة جديدة، زي المصريين يعملوا افكار جديدة وطول عمرنا ميولنا واحد وبنفكر في أفكار جديده لانى مقتنع إن علشان توصل أسرع.
وتعلم مع الناس، أو علشان يفتكروك لازم تبقى مميز والمميز بيتميز بافكار جديدة ودائما فكرة الدويتو هو اللي بيعلم مع الناس، وان يبقى في كابلز كده حلو مع الأغنية .
هل كانت نسبة المشاهدة أعلى في الاغاني المصرية ولا الهندية أكثر وبتحب ايه اكثر؟
الموضوع عندنا في الفكرة مش في المشاهدة، والمستمع يكون حبيبها معانا ولازم نكون احنا بنحبها عشان نقدر نقدمها بشكل مختلف وجديد .
تحبي مين من المطربين تغني معاه ولو هتغني دويتو هتغني مع مين؟
انا بحب كله وبحب الحاجات المختلفة، بحب أعافر وبحس ان عندي امكانيات حلوة في صوتي وبحب الاختلاف، والتجديد دايما وكان عندي اغنيه باليوناني صممت اني اقولها وحاولت احفظها انا بحب الاصعب دايما .
لو حبيت تعمل توزيع موسيقي لحد من المطربين بس مش جينا طبعا تحبي مين يشتغل معاك او تغني معاه دويتو؟
أتمنى اشتغل مع كذا حد بس بالأخص الفنان (تامر حسني )لاني بحبه جدا يعني نفس الموضوع في الدويتو طبعا، كان طموحي اني اطلع معاه في حفلة واغني معاه دويتو فشرف ليا اني لو اجتمعت بيه سواء توزيع او دويتو ابقى معاه .
انا عرفت انك بتغني مغربي كمان مش بس هندي، طيب ما خوفتش من التجربه دي، ورد فعل الناس، ولا كان عندك الثقة إن الناس هتحب الفن الجديد ده؟
انا مقتنع ان الناس هتحبني بالاختلاف يعني هنخرج برة المصري شوية، هنجرب الاغاني المغربي او التركي أو الهندي أو الانجليزي كل تجربه بتبقى صعبة في البداية .
بس طول ما انا عندي طموح وإيمان فى، اللي بقدمه واثق اني عملت حاجه بحبها جدا .
فالحمد لله انها بتسمع مع الناس، والناس بتحبها ودي أكتر حاجة بتفرحني .
ايه الاتجاهات الفنية ليكم أنتم الاثنين الفترة القادمة؟
إحنا بنحاول نمسك الأغنية اللي بتعجبنا واللي الناس بتحبها، ايا كانت ولما بتتقدم بطريقتنا بتعجب الناس جدا وبنطمح اننا نقدم كل لون مختلف بطريقتنا احنا الاتنين .
إيه طموحكم الفترة الجاية هيكون تركي ولا هندي ؟وهل فكرتم في دويتو مصري؟
كل لما بنلاقي حاجة مختلفة بنقدمها بطريقتنا، يعني لو أغنية لشاروخان بنحولها لدويتو، أو لجينا بس أو ليا بس .
ولو لاقينا اغنية لعلاء الدين مثلا أو تريند بنقدمها بطريقتنا، فبتعجب الناس وقدمنا قريب بطريقة حديثة اغنية، لنجيب الريحاني وليلى مراد وعايزين الناس ترجع تاني للتراث الفني احنا مش بنقلد الاغاني زي ما اتعملت.
لكن بنحاول نطور منها ونقدمها بشكل وتوزيع جديد وبنحاول نعمل أغاني جديدة علشان تعجب الناس .
