رحمة حسن : أشرف زكي طلب مني أروح له علشان مشكلتي مع المنتج هاني أسامه ومكنتش عايزه أتعبه معايا 

 رحمة حسن : أشرف زكي طلب مني أروح له علشان مشكلتي مع المنتج هاني أسامه ومكنتش عايزه أتعبه معايا 

 

 

كتبت: هادية رمضان

 

 

حرصت أيضاً الفنانة رحمه حسن علي شكر أشرف زكي نقيب المهن التمثيلية علي حرصه علي مساعدتها طوال الفترة الماضية ومحاولاته بإعاده حقها لها من المنتج هاني أسامة بعد تعاونها معه في مسلسل “سابع جار ” وأنها لم تحصل علي مستحقاتها كاملة. 

 

 

حيث نشرت الفنانة رحمة حسن عبر حسابها الشخصي على موقع تبادل الصور والفيديوهات إنستجرام شاكره الفنان أشرف زكي معلقة:”كل الاحترام والتقدير للدكتور أشرف زكي على استجابته وسؤاله، وأحب أوضح أن الفلوس اللي ليا عند هاني أسامة المنتج، هي باقي أجري عن مسلسل سابع جار، كان ليا جزء كبير منها، ولجأت للدكتور أشرف في 2019، علشان يساعدني، وحصل وأداني جزء بسيط من فلوسي”.

 

 

وتابعت رحمة حسن قائلة : وبخصوص أن الدكتور أشرف طلب مني أني أروح له النقابة عشان نتكلم في الموضوع، أنا قلت له أني مش عايزة اتعبه أكتر من كدا معايا، خصوصًا أني عارفة أني مش نقابية، وأني بشتغل بتصاريح، ومش عايزة أضيع وقته، خصوصا أنه ساعدني قبل كدا”. 

 

وأضافت رحمة حسن:” وكمان عشان عارفة أن هاني مش بيستجيب، عشان هو منتج فتبع نقابة تانية، وكنت عارفة أن الدكتور أشرف كلمه قبل كدا في موضوع الفلوس ده، وبرضوا محصلش حاجة، يعني لو كان عايز يدفع كان دفع من زمان، المسلسل اتذاع وخلص وهاني عمل بعده كذا عمل”.

 

واستكملت رحمة حسن حديثها:” أنا قلت للدكتور أشرف أني مش هقدر أجي لأني تعبانة، وأني مش هاشيل البوست لحد ماخد فلوسي، لأني بحاول أجيب حقي اللي بقالي 3 سنين مش عارفة أجيبه.. شكرًا لكل حد اهتم، بس أنا حبيت أوضح إيه اللي بيحصل، وشكرًا لكل إلى ساعد واللي بيحاول يساعد، وللعلم أنا لسه ماخدتش فلوسي برضوا شكرًا،.. وأخيرًا لم أدلي بأي تصريح صحفي، ولست مسؤولة عن أي كلام يكتب بالنيابة عني”.