رساله اخيرة من الغربة
وباكتبلك …
ورسمك حى قدامى ***
وباكتبلك
ودمعى حبر لأقلامى ***
وباكتبلك ….
وطعم الويل بأيامى … بلون الدم ***
وكاس الهم يروينى ***
ويسرق حلمى من عينى
ويكتب آه على جبينى ***
وباكتبلك …
وصوت الغربة جوَّاية ***
بيصرخ زى حدَّاية ***
وينسج م الأسى توبى ***
ويشعل جمر بذنوبى ***
المزيد من المشاركات
حبيبتى حلمنا بالفرحة***
سرحنا وطااالت السرحة***
حلمنا نزرع الصوَّان ***
ونقطع شجرة الأحزان***
لكن من حلمنا صحينا***
لقينا الفرح ناسينا***
ومهما طالت المسافات***
ومهما كترت السؤالات***
راجع لك فجر من تانى***
أخضر كل أغصانى ***
وأمسح دمع أحزانى ***
ألملم فُرْقة الأحباب ***
وارجَّع ضحكة الأصجاب ***
بكل الشوق هانتقبل ***
نصافح شجرة اللبلاب ***
بحبة رملك أتحنَّى ***
يابلدى ياحتَّة م الجنَّة***
المقال التالى
قد يعجبك ايضآ