رشا الجندي تستنكر الهجوم على اسعاد يونس 

قامت الاعلامية الفنانة اسعاد يونس بنشر مقال منذ ايام اثار غضب الجمهور على مواقع التواصل الاجتماعي، حتى ان الكثير قام بالتطاول بالاستخفاف من شخصية اسعاد يونس والبعض استخدم بعض الالفاظ الخارجة استنكاراً لهذا المقال الذي اعتبره الكثيرون مقال لا يليق بقيمة الفلاحين . وفي ضوء ما سبق فان الكاتبة والاعلامية الدكتورة رشا الجندي استاذ الصحة النفسية وصاحبة اطول رسالة سلام للعالم، قامت باستنكار ردود افعال الجمهور بالنص التالي:
( يعني الناس بعد كل الحب والاشعار اللي كانت بتقولها في اسعاد يونس فجاة في اول موقف (سواء فهموا غلط او حتى لو هي غلطانة بجد ) اياً كان بس بالسرعة دي مشاعر الحب اتحولت لاستخفاف وعدوانية ؟!! ده حتى الرفض المفروض ييجي بطريقة اشيك وارقى من كده والا الغلطان عمره ما هايحس بغلطه !!
يا انسانية دي ايات المنافق ثلاث ومنها ( اذا خاصم فجر ) وحتى في الامثال بيقولوا عدوك يتمنالك الغلط !! يعني معنى كده ان كل الناس اللي رفضت مقالها باستهزاء او الفاظ خارجة او عدوانية مبالغ فيها فهم منافقين ؟ او مش كانوا بيحبوا بجد ؟!! ما هو مش زرار هاندوس عليه !!
رفقاً بانسانيتنا ،، رفقاً بالانسان حتى وقت غلطه لان احنا بشر مش ملايكة !! بلاش نكون بياعين في لحظة كده وغدارين ..
#رشا_الجندي #علم_نفس_الواقع
Esaad Younis- إسعاد يونس