رفيق رسمى يكتب …ليه ربنا خلق جوانا غرائز وبيحاسبنا عليها ( ٣ من ٣ )
ليه ربنا خلق جوانا غرائز وبيحاسبنا عليها ( ٣ من ٣ )
بقلم .. رفيق رسمى
الحساب
الله أعطاك مجانا كل هذا الابداع الذي يفوق كل عقل . في جسدك وعقلك ومشاعرك وغرائزك وفطرتك . واداك كمان عقل ميزك بيه عن كل المخلوقات واعطاك كمان أراده وعزيمه تقدر تسيطر علي غرايزك . واداك كمان القدره علي التعلم من الخبرات السابقه . واداك كمان سنين طويله ومراحل عمريه مختلفه علشان تكتسب النضوج والخبره والتعلم من الخطا مع مرور الايام والسنين وعدم تكراره . اداك حاجات كتيره قوي قوي قوي وقدرات لتغيير والتعديل والتعلم المستمر
كل ده مجانا . وخد الاهم والاهم دا كمان بيبعت لك معونه الهيه من عنده تساعدك في كل لحظه من لحظات حياتك .
فالله لم ولن يتركك لحظه واحده حتي وان تركته إنت . يعني مخلقكش وسابك في الدنيا لوحدك تعافر فيها . زي ماانت فاكر وزي ما بعض الناس فاكره . لا دا فكر غلط . لانه معاك في كل لحظه يسندك ويعضدك ويرشدك . وعمره ما ح يسيبك أبدا أبدا ولا لحظه بس إنت اطلبه . ح تحس إنه جنبك . فكره إنك بتعافر في الدنيا لوحدك خطأ كبير جدا . ومدمر للإنسان. لإنه بالطبيعة الإنسان منذ ولادته يواجه صراعات وتحديات عديده لاحصر لها من جواه من طبيعته المملوءه بالغرائر التي قد تنحرف شمالا او يمينا . وصراعات جباره من الوسط المحيط به من الناس الاخري . ومن الضغوط الاجتماعيه من موروث ثقافي مدمر أحيانا ومن عادات وتقاليد قد تكتشف انها تدمر حياتك بعد فوات الاوان . ومن سماسره وتجار الدين .وايضا من ضغوط لاحول له بها ولاقوه من الساسه المحليين في بلدك ومن السياسه العالميه الذين يستخدمونها قوه هائله من الاعلام الممنهج لغرس مفاهيم مدمره . او حتي التعليم . الذي لايعلمك إلا ما يجعلك تكسب المال لتكون ترسا في إله الإقتصاد الذي يملكوه . والذي قال عنه الله ان (ابليس رئيس هذا العالم ). بل وايضا تاثير المال الذي يعتبر اله يعبد من دون الله للبعض . فالله معك في كل لحظه . واعطاك . أكبر مشكله في حياه الإنسان إنه ادالك الحريه .إن تفعل ما تشاء حتي لو بعدت عنه وتعصاه . والحريه هي اغلي ما يملكه الإنسان. يعني ممكن تعمل إللي إنت عاوزه . واداك معاها القدره والعلم والمال حتي ولو تعصاه . يعني ماتنفذش وصاياه . سابك بحريتك .عاوز تحارب تلك القوي الجباره بمفردك . وتوهم واخدك نفسك إنك ستنتصر. كان غيرك اشطر . خلي الله يحارب عنك ويحميك . بس انت اطلبه منه دائما . وخليه يقود حياتك بالكامل
طب ليه اداك الحريه حتي إنك تعصاه ؟ علشان الله عاوزك تحبه بحريتك وارادتك مش غصب عنك . وتنفذ وصاياه بحريتك مش غصب عنك . يعني لو عاوز تعمل الخطأ اعمله بمزاجك مش ح يمنعك .
يعني يبقي كل ده في الاصل هو الذي اعطاه لك مجانا . ده يعني انه مش بتاعك في الاصل . وسيبك بحريتك .
. واداك كمان فتره زمنيه طويله جدا . تمر بها بتغيرآت كثيره جدا جسديا ونفسيا وروحيا ومعلوماتيا .وتمر فيها بطفوله وصبا ومراهقه وشباب ثم شيخوخته وكهوله . يتغير فيها جسدك ونفسيتك كل خمس إلي سبع سنوات . علشان يديك فرصه تتعلم من الخطا وتعدل مسارك . تغلط وتعرف إنه غلط وإنه ح يتعبك ويعذبك فتقوم ماتعملهوش بإرادتك . لان في الاصل وصايا الله لمصلحتك إنت في الأول والاخر . يعني
المزيد من المشاركات
الله ح يحاسبك علي الإجمالي. وهو نمو روحك وسموها ونضوج شخصيتك من التجارب الخطأ والصواب ، يعني مش قاعدلك علي الواحد. يسجل لك أي هفوه او سهوه او خطأ. ويحسبلك كم غلط غلطه علشان تدفع الحساب ويعاقبك عليه . لا طبعا الكلام دا فاسد ويفسد العلاقة بين الله والانسان . مش ح يحاسبك ليه أخطأت لإنك لازم تغلط طبيعه الجسد كده . لكن ح يحاسبك ليه استمريت في الغلط وحبيته . ومطلبتش منه إنه يساعدك. وينقذك منه . بس إنت تطلب منه
وبعد سنين طويله جدا ح يعرف طبيعتك. السنين ح تظهر معدنك اذا كان أصلي. من دهب ولا صفيح بيصدي بسرعة
إذا الخلاصه اداك الغرائز واداك معاها مساعده الهيه قويه للغايه . فهو معك في كل لحظه فقط اطلب مساعدته ومؤكد سوف يلبي دعاءك . أمن فقط بكل قلبك إن الله معك في كل لحظه . ففي الايمان الامان . ومن لم يشعر بالامان لأن الله سوف يساعده في أصعب اللحظات من حياته فهو لم يؤمن به. بل يدعي شى يخدع به نفسه ويخدع الاخرين.
شاهد ايضا الجزء الاول والثانى من المقال
رفيق رسمى
