رقاق بالحمه المفرومة مقدم من اسلام عصفور

رقاق باللحمه المفرومه
مقدم من إسلام عصفور
مده التحضير 10دقايق
مده الطهى حوالى 15 دقيقه
المكونات
رقاق ناشف
شوربه
ملعقه صغيره بيكنج بودر
لحمه مفرومه متعصجه
سمنه سايحه أو زبده
الطريقه
ندهن صينيه سمنه خفيف ونبلل الرقاق فى الشوربه ونكون ضفنا البيكنج بودر للشوربه بيخلى الرقاق خفيف وجميل ونطلعه بسرعه من الشوربه علشان ميبقاش معجن ونحطه فى الصينيه وندهن سمنه ونبلل الرقاقه التانيه ونحطها وندهن سمنه وهكذا لما نحط حوالى 7 رقاقات ونضيف اللحمه المفرومه ونوزعها كويس ونرجع نبلل الرقاق فى الشوربه ونضعه فوق اللحمه المفرومه وندهن سمنه بين كل واحده لما نضيف 7 رقاقات وندخل الصينيه الفرن على الرف قبل الأخير من تحت على نارمتوسطه لما القعر يتحمر نولع الشوايه الوش يتحمر ونطلعه نلف الصينيه بورق فويل علشان يبقى طرى ويفضل سخن
عند التقديم نقلب الرقاق ونقطعه
وممكن نعمله بالدجاج بدل اللحمه المفرومه بيبقى جميل
وبألف هنا
رئيس قسم المطبخ أ / جيهان جعفر