روحك هى أساس جمالك

 

بقلم /داليا حسام

الجسد وعاء للروح وجمالك مبيكملش الا اذا روحك كانت حلوه

كتير مننا بيشوف ناس جميله الشكل لكن مجرد ما بنتعامل معاهم بنتخنق ونحس اننا عاوزين ننهى القعده أو الحديث معاهم .

وبيبقى التعليق عليهم أنهم ناس تقيله مش خفاف على القلب

ستات كتير متخيلة أنها كل ما كانت تقيله فى كلامها ورودوها واتعاملت مع الناس بتعالى فكده بقت شيك واستايل ميعرفوش أن الناس بيبقى ليهم رأى تانى خالص عليهم.

علشان تكونى مقبولة بين الناس وتسيبى إثر ليكى بعد ما تسبيهم فلازم حاجات كتير توصلك لده حاجات بسيطه ومش متعبه.

اولا ابتسامتك فى وش الناس اللى حوليكى

مش لازم وشك يكون عابس ومكشر وتقبلى الناس بلشكل ده او تتعملى معاهم وشكلك كده مهما كان عندك مشاكل الناس ملهاش ذنب وتكشيرك فى وشهم مش هيحل مشاكلك بس ابتسامتك هتسيب ليكى أثر حلو معاهم عودى نفسك تتعملى مع الناس وفى ابتسامه على وشك اول الطريق للقلب وجه بشوش.

مظهرك
مهما كنتى شيك واستايل محدش هيلتفت لده بس الناس هتلتفت لابتسامتك ويبتدو يشوفو بقيت الحاجات الجميله فيكى.

أسلوب حديثك مع الناس وازاى تكونى بسيطه ومش متكلفه فى حوارك وحديثك ميخلاش من كلمات الود من وقت للتانى والمجامله علشان بتفرق كتير جدا مع أى حد بتتكلمى معاه بيكون محتاج الود فى الحديث وإنك تجمليه وتحسسيه إن حوارك معاه بيسعدك الزمن اللى احنا فيه صعب والجفاء مسيطر على المشهد فكلنا بنبقى محتاجين حد يجاملنا
اتكلمى كمان مع اللى قدامك قدر عقله .

(خاطبو الناس قدر عقولهم )
بلاش تترسمى على حد غلبان أو ثقافته ااقل منك وتحسسيه انك احسن منه علشان مش هتستفادى حاجه غير أن قعدتك هتكون مكروها

خلى ليكى بصمه دايما فى اى مكان تتوجدى فيه خليهم يتكلمو عن روحك الحلوه.

الهدية وأثرها

ادخلى على الناس اللى بتحبيهم بهديه حلوه حتى إذا بسيطه هتفرحهم وهتحسسهم اد ايه انتى فاكراهم وعاوزه تبسطيهم

متحوليش دايما تبقى منتصره فى حواراتك ده مش هيزود جمالك بلعكس ده هيخلى الناس تنفر مع الحديث معاكى.

السكوت مهم

اسكتى فى الوقت اللى تحسى انك لازم تسمعى اللى قدامك اديله فرصه أنه يحكيلك وابتدى ردى على كلامه علشان يحس انك مهتمه بحديثه وعاوزه تسمعيه وابتدى اتنقشى معاه بود من غير ما تهجميه حتى إذا شوفتى أنه غلطان.

هجومك مش هيحل مشكلته بس هتخليه يندم أنه لجألك وحكالك.

لما تقبلى ناس بعد فتره طويله مشوفتوش بعض لأى ظروف متقعديش تلومى عليهم علشان متعرفيش ظروفهم ايه حولى تبينلهم أنهم كانو وحشينك وانك مفتقداهم خليهم هما اللى يحسو أنهم كانو مقصرين فى حقك.

صدقينى مهما كنتى شيك وحلوه بس روحك متكلفه وجامده عمر ما حد هيشوفك وإذا شافك مش هيحب يتعامل معاكى
روحك سر جمالك.