روح الروح (2..3)” وقالوا عنى ارهابى”… اشعار / ساحر وصفى
روح الروح (٢)“ وقالوا عنى ارهابى“
ابيات/ ساحر وصفى
وقالوا عني إرهابي
وانا واقف على بابي
يادوب دقني بقت أطول
وانا فحالي ولا ف بالي
دياب وكلاب ومسعوره
بيقلبوا الصوره
يقولوا كل ما اصلي ولا اذكر آيات الله
د إرهابي وبيخطط. بيستهدف نظام الحكم
وداعش هم أصحابه ودول اخوان
وانا والله. بقالي زمان
وهم الدنيا خلاني بقيت انسان
ملازم بيتي وحفيده بقيت بعشق كل شيء فيها
الاعبها واغنيلها.. وتضحكلي انا لما
المزيد من المشاركات
بعمل لها حصان
واحكيلها وكان ياما كان
حكاية لسه ماتمت
دياب الدنيا اتلمت.. وقتلوها
حكايه تبقى ملتوته
ياروح الروح
وامسح دقني في شعرك
امسح دقني في شعرك
امسح دقني في شعرك
واخر ضمة في حضني
يارب جمعني باحبابي
د انا واقف على بابي.
لقرأة الجزء الاول من القصيدة ياروح الروح (ا)…اشعار / ساحر وصفى
ساحر وصفي
