روح الروح (3..3) “جايلك ياروح الروح”…اشعار / ساحر وصفى
روح الروح (3..3) “جايلك ياروح الروح“
ابيات : ساحر وصفى
انا جايلك ياروح الروح
انا جيت لك كما المكتوب
يااحلي كل شيء مكتوب
فارقت الدنيا والاوطان
كما حابب رضا الرحمن
فارقت الدنيا والاحزان
و عالم يحكمه غيلان
ومتفرعن ومتشيطن بقاله زمان
وأتباعه فكل مكان
وباقي الخلق متداري
وخايف حتى انه يبان
وكل الخلق متفرق
بقى بيغرق
قليل منهم بيدعي ربنا مخلص
متبقاش الحياة مره
المزيد من المشاركات
بقى قابض على جمره
وأغلبهم بياكلوا فبعض
ولا قلبهم على بعض
بارود ودمار وحرق ونار
بقت دنيا وبتودع
بقى عنها البعاد أروع
ومكتوبلي اكون مظلوم
وده مقسوم. وانا مصدق
هنتلاقي ف يوم معلوم
وهتشوفي ياروح الروح
مافيش ذره يوم هتروح
ورب العزه ياقلبي
ماكان حقي ولا حقك في يوم هيروح
ياروح الروح
اقرأ ايضا:ياروح الروح (1..3)…اشعار / ساحر وصفى
ساحر وصفي.
