روستو الدجاج مع الشيف المتميزه عبير حافظ

اسم الوصفه : روستوالدجاج
مقدمه من: عبيرحافظ
مده التحضير: 30دقيقه
مده الطهى: ساعه ونصف
“المقادير: دجاجه كامله 2كيلو -حبه طماطم كبيره -2حبه بطاطس -3حبه جزر كبيره -حوالى كوبايه بسله -بصله كبيره -4فصوص توم -زيت زيتون او زيت عادى -ملح وفلفل -بشر الليمون -عصير ليمون -ورقتين لورى -معلقه كبيره مسترده -مكعب مرق -ممكن اضافه مشروم وبروكلى او اى خضار.
الطريقه:
نجهزالتتبيله..نضع الزيت..مع التوابل والليمون وبشر الليمون..والمسترده..وممكن اى توابل تفضليها..انا ضفت شويه من تتبيله الفراخ الجاهزه..معلقه كبيره وزيدى شويه من الماء..وقلبى كويس..تبلى الدجاجه من بره ومن جوه..ومن بين الجلد ونضعها فى كيس فى التلاجه فتره مش اقل من ساعتين.
نقطع البصل ..البطاطس..الجزر..مكعبات كبيره..والتوم حلقات..والطماطم مكعبات صغيره..
نضع الزيت فى الطاسه ونحمر الدجاجه من كل الجهات..وقبل ماتخلص نضع البصل دقيقتين..ونضيف التوم..بس ندبلهم والدجاجه تاخد الطعم ..نرفع الدجاجه ونضع الخضار دقيقه..مع رشه فلفل اسود ومكعب مرق..وملح قليل..واللورى..نرفع الخضار ونضعه فى صينية بيركس..ونضع فوقه الدجاجه..ونغطيها بالفويل..وتدخل الفرن على 180حوالى ساعه ونص..اوحتى تمام النضج..بعد مرور ساعه تقريبا نرفع الفويل..حتى تحمر وتقدم مع الارز الابيض او رز بالشعريه”