روشتت نجاح..

خليك فاكر

عزيزي القارئ أهديك روشتت نجاح نتيجتها مضمونه وفعاله،ورقة وقلم واكتب ورايا،واحفظ وخليك فاكر لأجل خاطر مستقبلك.

كداب

اول خطوه في النجاح لازم تكون #كداب ومنافق،من أجل الوصول السريع،علي حساب مين مش مهم المهم انك توصل وتواكب الموجه.

غشاش

تاني خطوه تكون #غشاش،لو في امتحان غش المهم تطلع الاول وتقول بمجهودي وتصدق نفسك،لدرجة أن اللي حواليك يصدقوا من كتر ما انت بتكدب بصدق.

حرامي

تالت خطوه تكون #حرامي،ايوة حرامي،اسرق اي حاجة وكل حاجة،اسرق مجهود حد وانسبه لنفسك وقلل منه، اسرق حلم،بلطج وانت برئ.

ضحية

رابع خطوة خد #دور الضحية المسكين،والبس توب الحمل الوديع،اللي هدفه الصالح العام،خد دور شمعة تحترق لأجل الآخرين،بس انشاء الله هتولع بيك.

خاين

خامس خطوة #الخيانه شئ أساسي في اللعبه علشان تكتمل أركان الجريمة،والخيانة مش راجل وست بس،الخيانة موقف وبيعه ببلاش حتي لو كنت مش هتكسب.

فتان

السادسة دي اهم خطوة #”الفتنه”كانت زمان أشد من القتل؛أصبحت من سمات المجتمع بس اهم حاجة تقول متجبش سيرتي انا مقولتش.

احكي تجربتك

في خطوات تاني كتير كل واحد عاشها وجربها وداق مرارتها،ضيف تجربتك معانا لعل وعسي نعرف نغطي جانب من جوانب الحياة الاجتماعية.

بقلم/ ماريانا مختار