رول الفطير المحشي مقدم من الشيف: اسلام مدحت

 

مدة التحضير:- ١,١/٢ ساعة
مدة التسوية:- ١٥ دقيقة

المقادير:-

١ كيلو دقيق
٢ كوب ماء
١ ملعقة صغيرة بيكنج بودر
١/٤ ملعقة صغيرة صغيرة ملح
١ ملعقة صغيرة سكر

الحشو:- حسب الرغبة

• خضار (طماطم – فلفل الوان – زيتون اخضر واسود)
• خليط من الجبنة الامينتال المبشورة – والشيدر المبشورة – والأفانتي المبشورة السايحة
• مشروم
• قطع فراخ صغيرة بالكارى و متشوحة
• سجق متشوح مع فلفل رومي و بصل
• تونة مع فلفل الوان
• شاورما فراخ او لحمه
• جمبرى
• بسطرمة متشوحة مع بصل وفلفل رومي
• زيت لفرد العجينة
• سمنه لدهن الفطيرة

طريقة الفطير:-

نعجن الدقيق مع الماء و الملح والسكر والبيكينج بودر كويس جدا بعدين نقسم العجينة كور ونسيبها ترتاح لمدة ساعة

ناخد كورة نفردها كويس قوى بالمردنة على الرخامة لحد ماتبقى رقيقة

يعنى تبقى سمكها ٥ مل تقريبا على الرخامة ومش مهم لو اتقطعت نطوي طبقة منها على بعضها

وبعد دهنها بالزيت نرول العجين على الحشو المرغوب به مع الجبنة السايحة وبعدين نحطها فى صينية مدهونة زيت قبل مايدخلو الفرن

نسخن الفرن على نار عالية عشان تكون طرية وندخلها لمدة ربع ساعة او لحد مايستوى من تحت وبعد كده نحمر وجهها

مقادير الجبنة السايحة:-

٢ملعقة صغيرة زبدة
٢ ملعقة كبيرة دقيق كامل
١ كوب كامل الدسم
١/٤ ملعقة صغيرة ملح
٨ أوقية كتلة جبنة شيدر مبشورة او حسب الرغبة

طريقة الجبنة:-

في مقلاة علي نار هادئة نسيح الزبدة تماما ثم نضع الدقيق ونقلب جيدا حتى لا يتكتل

نضع الحليب ونقلب جيدا حتى يصبح قوامة متوسط السمك

نضع الجبنة المبشور ونقلب حتى تذوب جيدا ثم نضيف الملح وتقدم

وبالهنا والشفاء