ريم البارودي تفتح النار على ريهام سعيد مجدداً.. بتاجر بموت أبويا

ريم البارودي تفتح النار على ريهام سعيد مجدداً.. بتاجر بموت أبويا

بقلم/ شروق راضي

نجحت الفنانة ريم البارودي خلال الأعوام الماضية في تحقيق نجاحات كثيرة من خلال مجموعة الأفلام والمسلسلات التي شاركت فيها،وبدأت مشوارها الفني بالعمل في الإعلانات ثم قدمت أول مسرحية لها وتعتبر أول دور تمثيلي لها في مسرحية “دستور يا أسيادنا”، وبعدها قامت بالعديد من الأدوار.

وقد حققت نجاحاً كبيراً في هذه الأدوار، وأظهرت أنها تملك موهبة فائقة، وتتالت نجاحاتها وخاصة أن النقاد السينمائيين عدوها بأنها تتقن عملها وتجسده بشكل ممتاز ومطابق للصورة التي تجسدها.

خلاف ريم البارودي ريهام سعيد

وفي الفترة الماضية شهدنا خلاف بين ريم البارودي وريهام سعيد بعد أن وصفت الأخيرة الأولى بـ”الإنسانة الميتة”، الأمر الذي جعل ريم ترد على ما قالته ريهام، من خلال نشر مقطع فيديو على “إنستغرام”، قالت فيه: “كل أخواتي وكل اللي بيحبوني بتمنى أنكم متردوش على المرضى النفسيين، اللي بيحاربوا ريم البارودي، لأن إذا خاصم فجر، والنبي ماتزعلوا وخلينا نرد دايماً بشغلنا.

وهو الأمر الذي أدى إلى انتهاء الصداقة التي كانت تجمع بين ريم وريهام وفي السطور التالية سوف نقدم لكم أبرز تصريحات ريم البارودي عن ريهام سعيد.

تصريحات ريم البارودي في برنامج العرافة

أكدت الفنانة ريم البارودى، أنها تعرضت للخيانة من الإعلامية ريهام سعيد أثناء تصوير الحلقة التي جمعتهما بعد فترة قصيرة من وفاة والدها وإعلان الصلح بينهما، موضحة: “والمصحف الشريف أنا اتغدر بيا فى الحلقة وأنا بصور البرنامج مع ريهام سعيد”.

وقالت ريم البارودى فى حوارها مع الإعلامية بسمة وهبة مقدمة برنامج “العرافة: “فى البداية عينيها كانت على المصور، وكان عندها طاقة سلبية تضايقنى وتخنقنى، وكانت بتزعق ومتوترة، وده حصل قبل التصوير”.

 

استكمال حديث ريم البارودي

وتابعت الفنانة ريم البارودي: “كانت بتتخانق مع الكاميرا مان، وأنا ابتديت اتوتر وكانت بتزعق مع الكاميرا مان ومدير التصوير، ومكنش معانا مخرج، ودى أول مرة أشوفها في حياتي، ووترتني، وبعدين لما بدأنا نصور لقيت نفسى متهمة وهى كانت بتفتح المواضيع القديمة وبتقولى إنى شتمتها وكانت بتتهرب منى ولقيت الكلام بيروح فى حتة تانية وتقول الله أعلم كل ما أقولها حاجة، وده خلانى أوقف تصوير”.

قالت الفنانة ريم البارودي، إن والدها توفي في 11 يناير، وبعدها بشهرين صورت حلقة مع الإعلامية ريهام سعيد بعدما صالحتها وحضرت عزاء والدها.

وأضافت : “كنت مسافرة أعمل عمرة، وريهام كلمتني وقالت لى عاوزين نعمل حلقة عن عودة الصداقة، لكن الحلقة مكنش فيها أي عودة صداقة”.

وتابعت: “برومو الحلقة كله كان إنى بتاجر بأبويا، طالعة بعيط وموسيقى خلف الأسوار ورايا، وأصرت إنها تصور لعرض الحلقة فى رمضان، لكنني أصريت على الرفض لأننى كنت سأذهب إلى العمرة، وعندما عدت كنت مرهقة للغاية وقلت لها عشان خاطرك هنعمل الحلقة رغم إنى مش محتاجة مادياً، ووافقت عشانها وهى جات لي العزاء”.

وواصلت: “ريهام لا تعتمد على سكربت وقالت لى اعتمدي علي لما سألتها عن الحلقة، لكن اللي حصل إننا صورنا الحلقة ولا حد شافنا، لأن الحلقة نزلت قبل رمضان بيوم، إزاى هنتشاف؟!”.

القضايا مستمرة بين الثنائي ريم وريهام

وتابعت قائلة: “القضايا مازالت مستمرة بيننا والمشكلة لسه مخلصتش، ومفيش عداوة بتيجي بعدها محبة، واللى يقول كده كداب”.

وأضافت : “المثل الشعبى ما محبة إلا بعد عداوة غلط، إحنا بنمشى ورا أمثال كلها غلط، دى أمثال شعبية كلها قديمة”.

وتابعت : “مينفعش يبقى في كره وعداوة وعاوزة تأذيني وبتكرهني وبعد كده تيجي المحبة، ولكن من الممكن أن يأتي الكره والعداوة بعد المحبة.. حضرت عزاء والدى ..ايه يعني؟! طبطبت عليا في التصوير وقدام الكاميرات عشان عزاء أبويا تريند، لقطة طبعا..فوجئت لما تلاقى حد داخل لك وجاى لك عزاء وأنا فى وقت مش قادرة أفكر فيه، بسبب وفاة أبي”.

وأضافت البارودي: “عندما يفقد الإنسان أباه أو أمه، فإنه ضهره يكون انكسر، وبالتالي، فإنه في بعض الأحيان لا يقدر الموقف جيداً ولا يفكر في أن هناك شخص أذاه كثيرا”.

وتابعت الفنانة: “لما شفتها دخلت عليا العزاء نسيت، ودي غلطتي أنا، وكان المفروض مسلمش عليها، بعتت لي رسالة قبل حضورها العزاء، وقالت لي فيها أنا عاوزة آجي أعزي بس خايفة تقولي إن أنا باخد اللقطة، والرسالة موجودة.. موضوعها انتهى بالنسبة لي، وعملت معاها حلقة بناءً على طلبها وجاملتها بربع أجري وهي اللى جات لحد عندي عشان تصور، وأنا غلطانة إني سامحتها”.

وأنهت حديثها قائلة: “طلعت لي كلب بيطلع لسانه وأنا ولا كأني طبعاً شايفة حاجة، وفعلا ماكنتش بتفرج على الحلقة لأن أعصابي كان ممكن يحصل لها حاجة وروحت متجاهلة تمامًا وعند الله تجتمع الخصوم لأني سامحتك من قلبي ولما دخلتي العزا عليا نسيت الموضوع ده، نسيت كل الإساءة والشتايم والفيديوهات واللايفات انتي والشاهد المتهم دلوقتي جبتوا في عرضي وسيرتي وسب وقذف وتريقة وسيبت كل ده واديتك فرصة تانية”.