ريهام الشنواني لأسرار المشاهير “أطمع في الوقوف أمام جميع النجوم، وربنا بيطبطب عليا بردود أفعال الجماهير عن دور “نهي”
ريهام الشنواني لأسرار المشاهير “أطمع في الوقوف أمام جميع النجوم، وربنا بيطبطب عليا بردود أفعال الجماهير عن دور “نهي”
حوار : آيه رجب
جذبت الاضواء بأداها لشخصية “نهي” في حكاية “بالورقه والقلم”، ليست البداية ولكنه كان بريق ليثبت وجود نجمة تستحق السطوع في سماء الفن.
وكان لجريدة أسرار المشاهير” حديث معها لتحكي لنا أبرز تفاصيل بدايتها الفنية ومشاركتها في مسلسل “إلا أنا” حكاية “بالورقه والقلم”.
حدثينا عن بدايتك الفنيه؟
_البداية كانت إعلانات و كلها كوميدي و طبعًا عرض سينما مصر إخراج الأستاذ خالد جلال، كان بوابة ليا لعالم الفن ناس كتير عرفتني منه و اكتسبت منه خبرة جامدة جدًا، وعملت اسكتشات العماره علي شاهد و لسه مخلصه تصوير فيلم معالي ماما مع الأستاذة بشري و الأستاذ أحمد نور.
من كان السبب في ظهورك لاول مره كممثلة؟
_استاذ خالد جلال طبعًا اول من وثق فيا و أمن بيا و منحني فرصه كبيره إن الناس تشوفني من خلال عرض سينما مصر اللي لسه هنصوره قريب.
من رشحك لدور “نهي” في مسلسل إلا أنا ؟
_أنا اتفاجئت بترشيحي للمسلسل لانه دور مش كوميدي و كان المعروف عني إني بلعب ادوار الكوميدي بس الممثل يعمل أي دور و دي كانت فرصه ليا اني اثبت دا و كان الترشيح من المخرج و الشركة المنتجة و التأليف و أنا محظوظه أن اجتمع عليا الناس دي كلها واخذت الفرصة.
ماذا عن تفاصيل شخصية “نهي”؟
دور نهي هي شخصية مرحة و دمها خفيف و دا أكتر حاجه شدتني و في نفس الوقت الخط الدرامي مش واحد متنوع بين التراجيديا و اللايت، وكان تحدي ليا لاني معروفه إني كوميديانه.
ماذا عن كواليس إلا أنا؟
_ من امتع الكواليس اللي اشتغلت فيها رغم صعوبه ظروف العمل عشان المخرج محمد بكير اصيب بكورونا و المخرج اسامه عرابي اسند له المسلسل أنا فعلًا محظوظة بفريق العمل كله.
كيف جهزتي لدور “نهي”؟
_اي دور لازم الفنان يذاكر و يعمل تاريخ الشخصية و يحط الخط اللي هيمشي عليه و عملت بحث عن الفنانين التشكيليين و بتكون درستهم ايه و حولت اطلع كذا ريفرنس عشان اكون ملمه بكل التفاصيل الشخصية.
كيف كانت التمثيل أمام الفنانة يسرا؟
_انا فعلًا محظوظه اني مثلت مع يسرا اللوزي هي فعلا جميله من برا و جوه و جدعة جدًا و حبوبة كل المواقف بصراحه كانت طريفه انا استمتعت بالعمل معاها جدًا جدًا .
من تتمني العمل معه من نجوم الفن؟
_والله انا لسه في بدايتي نفسي امثل مع كل النجوم طماعه اوي أنا.
ماذا عن ردود أفعال الجماهير بعد عرض حلقات مسلسل إلا أنا؟
_مكنتش متوقعه خالص ردود الافعال دي بجد لاني كنت خايفه بس دا ربنا بيطبطب عليا و انا فعلا متفاجئه جدًا و لسه مش مستوعبه.
اي من الأدوار تتمني القيام به في أعمال قادمة؟
_مفيش دور معين عوزه اعمل كل حاجه و اي حاجه و اي دور فيه تحدي انا لسه في بدايتي لازم أشتغل كل الأدوار.
اكثر فنان وفنانة كنت سعيده بالوقوف أمامهم في أدوارك؟
_والله انا محظوظه اني اتعملت مع ممثلات و ممثلين محترمين و محترفين و نفسي بردو اشتغل مع كل الناس طماعه اوي انا.
هل يوجد اعمال تقومي بالتحضير لها أو تقومي بتصويرها؟
_في فيلم معالي ماما مع الفنانة بشري خلصت تصويره منتظراه ينزل قريب و في مسرح دلوقتي مع نجم كبير و إن شاء الله اللي جاي يبقي أحلي.
التعليقات مغلقة.