زبادي البيتي مقدم من الشيف ميرفت فايد

الذبادى البيتى
مقدم الصنف: مرفت فريد
مدة التحضير: ١٠ ق

مدة التجهيز:٢: ٣ ساعات

اولا:- المكونات
كيلو حليب يفضل يكون جاموسي ، علبه زبادي بلدي الصغيرة
م ك لبن بودر
ثانيا:- الطريقة
هقول لكم اول علي بعض عيوب الزبادي وهقول لكم سببها وايه الحاجات اللي تاخدو بالكم منها علشان تنجح
***الزبادي اللي بتعمل ميه وتدي طعم لذعه ***
وده سببه ان الحليب سخن او اتحط في الفرن وهو ساخن جداا والصح ان يكون حليب فاتر والفرن دافي مش سخن اوي وحتي الميه اللي نحط فيها الكوبايات تكون ميه دافيه تتحمليها علي ايدك
***الزبادي مش بتربط خالص او حتة ربطت وحتة لا ***
وده لان الزبادي اللي استخدمتيها خميرة ل الحليب قليلة او ما اتقلبتش كويس في اللحليب
والحل لااااازم تقلبيها كويس جدااا اول لما تلاقي القوام زي السايل وتقلبيها او بالمضرب او ف الخلاط علشان تضمني انها اتقلبت وتجانست مع اللبن
*** الزبادي جبنت او عملت زي الجبنه وقوامها تقيل وزي ماتكون فيها قطع جبن ***
وده سببه الحرارة الزايده جدااا او زيادة الزبادي اللي استخدمتيه خميرة والحل تظبطي معيارك لكيلو اللبن علبة زبادي الحجم الصغير او ما يعادل كوب من الزبادي صغير
نبدا الطريقة
هتغلي الحليب وتتركيه يبرد حتي يصبح فاااااااااتر
تولعي الفرن اللي عندك لغاية ماتجهزي
وتولعي علي ميه تسخن بس مش اوي تبقي دافيه
وتجيبي كوباية مليانه زبادي وتقلبيها كويس جدااااا لما تبقي زي الحليب لو مش هتعرفي يبقي الاحسن تعمليها ف الخلاط مع الحليب.. بعد ماقلبتيها ضيفيها ل اللحليبالفاتر المذاب بة م ك لبن بودر وقلبي كويس جدااااااا صبي في كوبايات .. هنا الكيلو لحليب عمل لي تسع الحجم الصغير الي في الصورة دي ……… حطي الكوبايات في حلة وحطي حواليها المي الدافيه توصل لنص الكوباية او تلتينها …… غطي الكوبايات بورق كرتون او لو عندك فوطة نضيفه جافه
ليه مش هنغطي باي غطا حلة او طبق كبير
علشان البخار اللي بطلع من الميه الدافيه هيفضل علي الغطا ويقع في الكوبايات تاني يعمل فيها ميه ….. لكن الورق يمتص البخااار
غطينا الحلة ندخلها الفرن اللي دفيناه وطفينااااااه طبعاااا وسببيها من اربع ل خمس ساعات او اقل بالصيف .. تطلع علي التلاجه وبردو غطي الكوبايات علشان الحليب والزبادي بياخدو طعم الاكل من التلاجه
وبالف هنااااا ……. يا رب اكون قدرت افيدكم