زربيان عدني مع صوص السحاوق مقدمه من ام يوسف

كتبت سمسمه سعد

مده التحضر ١٠دقايق

مده الطهى ساعه

المقادير

 دجاج منظف ومقطع لقطع صغيره

كيلو ارز بسمتي

٣ حبات بصل مقطعيين شرائح

٣ حبات بطاطا(بطاطس) مقطعين قطع كبيرة

٨ فص توم

علبة زبادي

بهارات الزربيان ( هيل وقرفة وكمون وقرنفل وفلفل اسود)

نحتاج منهم مطحون بنفس الكميات وبدنا كمان بهارات صحيحة.

مكعب مرق لتعزيز نكهة الارز وممكن تستغني عنه.

الطريقه

*اول شي  نضيف كمية وفيرة من الزيت ونقلب فيها البصل لحتى ياخد اللون البني المائل للشقرة مو محروق . ثم بناخده على جنب من الزيت ونضع  بالخلاط مع كوب ونصف ماء دافىء وبنتركه لخمس دقايق ، بعدها بنضيف الزبادي والتوم والملح والبهارات المطحونة تقريبا شي معلقة ونصف او معلقتين كبار وبنخلطهم جيدا ويحفظ على جنب.

نضع  الدجاج والبطاطا بنفس الزيت يلي قلينا فيه البصل وبنقلبه شوي على نار عالية لمدة ربع ساعة ثم بنضيف خليط البصل وبنغطي الطنجرة وبنتركه لحتى يستوي الدجاج.

*بعد نقع الأرز بنصفيه وبنسلقه بميه فيها نفس البهارات بس صحيحة وملح ومكعب المرق، لحتى يستوي تلت ارباع النضج

*بناخد قسم من الارز ويوضع فوق خليط الدجاج وبنقلبه معهم لحتى ياخد اللون البني ،والنصف التاني من الارز بنصبه بدون تحريك وبننضيف عليه صبغة الزعفران،وبنتركه على نار هادية جدا مدة نصف الى تلت ساعة .

*نجهز فحمة ونولعها و نضع بزبدية مقاومة للحرارة ومعها قشرة البصل وسمنة وبنغطي الطنجرة منيح.بنتركه يرتاح ربع ساعة قبل التقديم.

ويزيين بالبصل المقلي وممكن المكسرات.

(الصوص الحار الاحمر)

حبتين بندورة

قرن فلفل حارة

فصين توم

عصير ليمون وملح حسب الرغبة

ومعلقتين كزبرة خضرا

ورشة كمون

(الصوص الحار الاخضر):

كوب كزبرة او بقدونس

رشة زعتر

فليفلة حارة جدا

ملح وليمون

قطعة زنجبيل

معلقتين زبادي

٢ مثلث جبنة

معلقتين لبنة

*الف صحة وهنا

رئيس قسم المطبخ أ سمسمه سعد

واسماء عزازي