زيزو حارق دمى وبيطاردنى من شهور .. خلاص راح الأهلي

زيزو حارق دمى وبيطاردنى من شهور .. خلاص راح الأهلي

زيزو .. لاعب كبير بلا شك ولايمكن أن يختلف علي موهبته إثنان فهو أحد أهم لاعبي مصر حاليا ، ولطالما أسعد جماهير الزمالك بل وجماهير مصر بالأهداف التى سجلها ونتائج المباريات التى كان له دور مؤثر في حسمها .

بقلم الشاعر والإذاعى الكبير / محمود عبدالعزيز

ولكن ورغم هذه المقدمة هناك موضوع حارق دمى ب جد .. وأسمحوا لي بمناقشته والحديث فيه معكم باللغة العامية الدارجة.

هذا الموضوع هو الكابتن زيزو اللى بيطاردنا من حوالى ٨ شهور واكتر ..
زيزو فى الأهلى ..
لا .. زيزو فى الزمالك ..
لا لا ده ف العين …
لا لا ..ده ف نيوم ..
لالا ده ف قطر ..
لالا ياجماعه خلص ف الأهلى ب ١٠٠ مليون وح يقبض بالدولار
وووووووووووو
دوامه من الثرثره المحبطه بجد …
هوه فيه إيه ياجماعه ؟
دى حاله مقرفه .

صراع لقمة العيش

حالة إنفصام حقيقيه ف المجتمع المصرى .
ناس بتصارع من أجل لقمة خبز ومستقبل افضل .
وبتعانى ف عالم بيغلى من حواليك
و١٠٠٠٠٠٠ عدو يتربص بيك
بره وجوه
وناس مش لاقيه الجنيه
وبين كابتن زيزو وتيتو وبؤبو…..و….كل الكباتن الورق والفالصو دى …
إيه المتاجره الرخيصه دى ؟
إيه القرف ده ؟
ح يجدد للزمالك … يجدد
ح يروح الأهلى … يروح
ح يلعب ف الجن الأزرق … يلعب
مع السلامه والسكه اللى تودى
ماتشتغلوناش بقى
زهقنا
و مش ناقصاكم
و ….. مصر أكبر من كل التفاهات دى يا ايها الساده !!!!!

المزيد: تركي آل الشيخ يوجه رسالة إلى الرئيس السيسي: أنت والدي وفخر العرب