سابلية بالشيكولاتة مقدم من الشيف ايمان السيد

كتبت مايسه الطحاوى

المقادير :
كوب كبير دقيق وبيضة و معلقة ڤانيليا سايلة و ربع كوب سكر بودرة ورشة ملح و نص كوب صغير زبدة طرية او اقل ممكن ربع كوب من اللي عايرنا به الدقيق ومعلقة صغيرة بيكنج بودر ومعلقة كبيرة كاكاو وشيكولاتة سايحة للحشو والزينة انا استخدمت شيكولاتة نوتيلا للحشو وشيكولاتة خام وسيحتها بالزيت للتغليف
الطريقة :
نخلط الزبدة مع السكر بالمضرب الكهربائي لحد ما يبقي شبه الكريمة الهشة وبعديه نضيف البيضة و الڤانيليا ونخفق ونضيف الدقيق والبيكنج بودر والملح والكاكاو ونفرد العجينة الطرية و نقطعها دوائر بالقطاعة و صنية فيها ورق زبدة و ترصي السابليه و يدخل فرن علي درجة حرارة 160 علي نص الشبكة لمدة ربع ساعة او حتي تمام السوا و يخرج من الفرن يبرد و نلزق كل اتنين بالشيكولاتة و نغمس السابليه بشيكولاتة سايحة وتطلع علي ورق زبدة كما هو موضح بالفيديو .. ملحوظة : العجينة طرية يعني نقطعها علي ورق زبدة وندخلها تلاجة تجمد وبعدين نطلعها واحدة واحدة و ننقلها الصنية اللي هتدخل الفرن وعليها ورق زبدة