سكت الكلام … بقلم/ جمال القاضي
سكت الكلام
بقلم/ جمال القاضي
سكت الكلام ومني هرب
وفاضت دموعي لما بقلمي
من فوق سطوري وصفتها
ولما قالوا عنها كمان الأم مدرسة
أنا قلت لا مش بس مدرسة
هيا الحياه ودرست المبادئ بفصلها
عرفت عنها إنها نهر الحنان
مابين وريد وشريان جرى وسقى
كل المسام وسكن بقلبي بعدها
وكل حاجه منها إتعلمتها
من لحظة طفولتي للصبا
وطيش شبابي وحتى الممات عرفتها
كانت لبرد الشتا غطا ودفا
المزيد من المشاركات
وبالصيف نسمة ربيع من رقة قلبها
ومن لحظة ميلادي حفل دموع من فرحها
أغضب وأفرح وأعلي صوتها في وجهها
تضحك وعني تخبي حزنها لأنها
كان همها ولا لحظة أشوف من عيونها دمعها
نبع الحنان نهر كان ولسه يفيض من قلبها
وأحسه دايما لما أكون بين إيديها وف حضنها
وآه لما تبتسم الدنيا مع إبتسامة وجهها
قلبي يفرح وأنسى الهموم ال كانت كلها
قالوا عنك ياأمي ومن كلامهم عنك مدرسة
وأنا لسه عندي كتير كلام ومن كلامي وصفتها
شمس وآمال وفي الظلام للعيون ضيها
وحروف كلامي مابين إيديك منك إتعلمتها
وصح قولهم ياأمي لما قالوا عنك مدرسه
