“سكرات” قصيدة للشاعر أحمد عادل

تايه
مابين سيوف الضلال
مابين حرام وحلال
الليل طول قوي يابا
امته هيأذن بلال
………الله. اكبر
ياه امته هسمع الفجر
وامته هشوف الشروق
وامته الوطن من كبوته هيفوق
زاد الطوفان عصيان
وانا الغريق مخنوق
ورق الشجر وإصفر
علي فرع نيل خجلان
هو الشجرمضطر
انو يعيش دبلان
عايز اجابه مُصِر
حب الوطن إدمان
راضي بعيشه الريف
أجمل ما فيكي ونعمه
انا وطني شافني كطيف
وبصري كان أعمي
خلو شتايا صيف
خلو ربيعي خريف
ورضيت بعيشة الريف
ولا اني أقعد ضيف
ف عصر مش عصري
وأدِعي إني شَريف
والقصر مش قصري
وطني اللي أنا شايفه
ولا إنخدع بصري
هتجنسوني بإيه ؟!
لو وطني مش مصري…!!