” سكوت ” قصيده للشاعره ساره أبو بدر

تحن البنت للماضى
توقف عنده وماتمشيش
ولو زارها ف نص الليل
محال تفتكره وماتبكيش
يجوز البنت يوم تعشق
حد عشان ينسيها
فتاخد جرح ع التانى
فتكره روحها بعديها
وجايز يوم تصون جداا
لكن بالجرح تتأثر
فتغفر غصب عن روحها
تقوم كرامتها تتكسر
وجايز تنفطر حبا
تنزل دمعتين ف سكوت
وتفضل رغم فرقتهم
بتعشقه سر حتى الموت
كيان البنت لا يسمح
بإن تبيع ف اوجاعها
يجوز صرخت لكن صمتا
عشان كرامتها تمنعها
دموع البنت كالشلال
مفيش فيضان هايمنعها
يدوب عايزاك تطمنها
وتضحك لما تسمعها
وبردو تحس بوجعها