سلاما علي من رحلوا عنا ” شجون وذكريات”
بقلم : محمد أبوزيد
في كل يوم وبعد مشقه العمل عندما أضع رأسي علي وسادتي وأدعو أن أري في منامي ولو إبتسامة واحدة منها ما أصعب الرحيل ،ومن عذبهم البعد كثيرون ،
ومن الي اللقاء مشتاقين ، عندما مرت السنين تلو السنين وتذكرت تلك الكلمات ، وهي تقول لي أكتر حاجه أخشي عليكم منها بعد الرحيل هيه عدم صله الرحم والمودة والرأفه بينكم ، وجفاء القلب ، أخذتنا الأيام ونسينا أرواح تتألم وتصرخ من هول ما تراة خشيتنا علينا
صرخات وذكريات جميلة
دموعك لحظة الرحيل غاليه عندي جداً أنا مستهلشاش فضلتي تصرخي وتتألمي وتترجيني ، وكلماتك من القلب تسري، وأنا عاوز أهرب وأشوف أشغالي ،بعدها حسيت
بالنار اللي جوايه ، وفي كل ثانيه وكل لحظه ببص في مرايه بتمني ترجع من تاني الحكاية ، لكن خلاص اللي راح مبيرجعش أبداً ،واللي بتفضل ذكريات جميلة هتفتكر أكيد هتفتكر بس خلاص ده قدر ودي النهاية .
لو مريت من قدام البيت بلاقيه جحيم، وراح منه الحنين ،وتاه مع السنين ،واللي هيفضل جوايه عذاب الضمير ، بسأل نفسي أنا ، لي بهرب من قدام البيت ، أهل البيت غالين طبعا غالين لكن مش هيعوض فراقك مليون حبيب وغالي .
ندم وأحزان
كان فين الحنان ليهم ما كانوا جمبك وحواليك ومادين أديهم ،دلوقتي ندمان عليهم أسمع كلامي وخدها مني نصيحة حافظ علي حبايبك وأحتويهم بدل ما تعيش العمر كله ندمان عليهم .
نور أيامك بحبايبك اللي حواليك حس معاهم وبيهم بالأمان .
علم أبنك أو بنتك صله الأرحام اياك أن تعلم أبنائك قسوة القلب، علموا أولادكم أن يحبو الخير للناس كما يحبون لأنفسهم ،
مبادرات عظيمة
أنت تقدر ،تقدر تخطو حول النجاح بفكرك ،تقدر تغير حياتك بفكرك ،تقدر ترفع أسم بلدك بفكرك ،تقدر تسعد ملايين بفكرك هى مجرد أفكار ،مجرد مبادرة منك
مجرد أنك رسمت البسمة علي وشوش الناس دي أفكار إيجابية ،مجرد أنك مديت يد العون لحد محتاج مساعدة دي أفكار إيجابية، ،مجرد أنك نظمت حملة لتوعية أبناء الريف، دي أفكار إيجابية مجرد أنك نظمت حملة لتوعية الشباب ودورهم في مساندة الوطن دي أفكار إيجابية ،مجرد أنك نظمت حملة لنظافة الشارع بتاعك، دي أفكار إيجابية ،مجرد إنك وعيت الشباب بعدم شرب المخدرات وان ده طريق نهايه حياتك دي أفكار إيجابية، كل دي أفكار إيجابية ودورك أنت المفروض تقوم به من أجل وطنك ،وفق الله مصر ورئيس مصر وشعب مصر وجيش مصر العظيم .