سمك بلطى مقدم من الشيف المتميزه دينا عمر

اسم الوصفه سمك بلطى
مقدمه من الشيف دينا عمر
وقت التحضير ربع ساعة
وقت الطهى ساعه
سمك بلطى جزل مقلى و أرز سمك مع سلطة خضراء وسلطة طحينه
السمك**
2 كيلو سمك بلطى _ ملح _ ليمون _ كمون__ثوم _قرن فلفل أخضر
نظفى السمك كويس وقطعى كل سمكة 3 قطع الرأس ومعاها جزء والزيل ومعاه جزء وهيتبقى قطعه فى الوسط
افرمى التوابل كلها مع بعض وتبلى قطع السمك كويس وبدريها بالدقيق واستنى عليها شويه لحد ما الدقيق يبوش وانزلى بالسمك فى زيت غزير وساخن علشان يطلع معاكى كرسبى
الأرز**
2 كوب أرز _بصلة كبيرة مفرومه _2 كوب ماء _ 3 معلقة زيت _ معلقة ملح
حمرى البصله في الزيت لحد ما تبقى ذهبى وانزلى بالماء ولما تغلى انزلى بالأرز والملح وقلبى وهدى النار لحد ما يستوى
السلطه الخضراء **
2 ثمرة طماطم _1ثمره خيار _قلب خسايه_شبت _كسبره _بصلة _نص ليمونه _معلقة خل _نص معلقه صغيره ملح _ربع معلقة صغيرة شطه_نص معلقه صغيره بهارات _ فص ثوم مفروم
قطعى كل الخضار على زوقك وخلى الطماطم آخر حاجه فى التقطيع وتبلى الخضار بالتوابل الموجوده
سلطة الطحينه **
نص كوب طحينه _معلقة خل _نص ليمونه _ربع معلقة ملح _ رشة فلفل _شطه _كمون_ماء
اخلطى الطحينيه مع الخل ونص ليمونه وقلبى لحد ما تجمد وبعدين انزلى بالماء واحده واحده وقلبى لحد ما توصل للقوام اللى بتحبيه وضيفى التوابل وقلبى