سمك شعرى مقلى مقرمش مقدم من إسلام عصفور
مده التحضير نصف ساعة
المكونات
كيلو سمك شعرى
الحشو
رأس توم مفرومه
كسبره خضره
بقدونس
شبت
كمون
فلفل أسمر
كسبره ناشفه
ملح
عصير ليمونه
خلطه القلى
نصف كوب دقيق وممكن تزيد على حسب الكميه
ملعقه كبيره نشا
ماء
ملعقه صغيره من حشو السمك
الطريقه
نغسل السمك بملح وليمون وخل ونحشيه ونرش عليه ملح وكمون ونعصر ليمونه ونسيبه بالتتبيله نصف ساعة
نحضر خلطه القلى نضع الدقيق والنشا فى طبق ونضع الماء ومعلقه الحشو ونقلب بتكون عجينه زى عجينه الكريب لاتقيله ولاخفيفه ونضع السمكه ونقلبها فى الخلطه ونرفعها تنزل الزياده ونقلى فى زيت سخن وغزير على نار متوسطة
ونطلعه على مناديل المطبخ بيطلع مقرمش وجميييل زى المطاعم
وعند التقديم نرش على السمك بقدونس وكسبره خضره
ملحوظه
مهمه (منقلبش السمك غير لما يتحمر من تحت نقلبه الجهه التانيه يتحمر )
رئيس قسم المطبخ أ / جيهان جعفر
