سمية الخشاب توجه نصيحة إلى أحد طلاب كلية الطب عبر تويتر
سمية الخشاب توجه نصيحة إلى أحد طلاب كلية الطب عبر تويتر
كتبت : مريم مصطفى
لجأ أحد طلاب الطب إلى نصيحه النجمة سمية الخشاب بسبب عدمه حبه لهذه الكليه قائلاً: أنا نفسي أترك الطب لأهل الطب، وأترك الجامعة على بعضها”.
فجاءت سمية الخشاب معلقه على ذلك قائله:” لو مش شايف نفسك فيها اتركه، بدل ما تطلع دكتور مش شاطر وتخاطر بينا”.
وعلقت سمية الخشاب على حادثة انتحار طالبة بالفرقة الخامسة بكلية طب الأسنان، بإلقاء نفسها من الطابق السادس بمول”سيتي ستارز” بمدينة نصر.
قائله: “حادثة سيتي ستارز وجعتلي قلبي.. حبايبي أوعوا أي مشكلة أو موقف أو حدث في حياتكم يخليكم تفكروا في الإنتحار.. كل مشكلة لها حل ومفيش حاجة نهاية العالم”.
وتابعت: “يا ريت لما حد يقولكم إنه بيفكر في الإنتحار تحتضنوه ومتستهتروش بكلامه، وتحاولوا تنبهوا حد من أهله أو القريبين منه عشان وقتها بيكون محتاج دعم نفسي ولازم يتلحق قبل فوات الأوان”.
وأضافت: “قسوة بعض الآباء والأمهات اللي معندهمش وعي كافي تجاه أبناءهم وخصوصًا بعد النتائج الدراسية بتكون نتائجها كارثية، بطلوا تهينوا وتأذوا ولادكم وبلاش الكلام اللي زي (إنت فاشل) و (موتي نفسك) عشان عواقب الكلام ده بتتسبب في مصايب وهيبقى ذنبهم في رقبتكم”.
كما يذكر أن آخر أعمال الفنانة سمية الخشاب مسلسل “موسى” مع النجم محمد رمضان، ومسلسل “الحلال” مع الفنان بيومي فؤاد والفنانة دينا فؤاد، وأغنية “بتستقوي” من كلمات هشام صادق، وأغنية “عربية أنا” من كلمات كل من محمد حسن وهشام صادق وتوزيع محمود الشاعرى، وأغنية “اوعدك” مع الفنان عمر كمال.
التعليقات مغلقة.