سميحة أيوب تعبر عن إعجابها بمهرجان القاهرة للدراما
سميحة أيوب تعبر عن إعجابها بمهرجان القاهرة للدراما.
كتبت: أحلام محمود سيد
أبدت الفنانة القديرة سميحة أيوب إعجابها و تقديرها لمهرجان القاهرة للدراما.
كما أشادت بجهود نقابة المهن التمثيلية وتعاونها مع القائمين على المهرجان، وأعربت عن سعادتها بتكريم عدد من صناع الدراما لعام 2022.
حيث قالت سميحه أيوب عبر لقائها مع شاشة DMC, في حفل الافتتاح مهرجان القاهرة للدراما: “أنا سعيدة جدًا ومكنتش أتخيل أن المهرجان يكون بالعظمة دي ومهما كنت أتخيل مكنش الواقع ده”.
وتابعت: “فأنا سعيدة جدًا إن النقابة عاملة المهرجان ده والمتحده محتضناه لأننا فقدنا مهرجان التليفزيون متوقف بقاله كتير، والدراما غلبانة وملهاش أب ودلوقتي لاقينا ليها أب”.
كما تحدثت سميحة أيوب عن أصعب مشاهدها في التمثيل قائلة: ” مفيش مشهد يتنسي، كل مشهد عايز تديله حقه المسرحية اللي كنت خايفة وتعبت فيها هي مسرحية فدرة، وخوفت لما روحت باريس وعرضنا هناك، وفرقة مسرحية بتاعت الدولة بتعمل مسرحية لراسين، وراسين ده من كلاسيكيات فرنسا، يعني إحنا في عقر دارهم وبنعمل شغلهم، فكانوا مش متخيلين إننا هنكون كده”.
وتابعت: “أي فرقة وافدة لباريس بتعرض ليلة أو ليلتين، لكن إحنا عرضنا 15 يومًا، وجالنا جوابات نقد ذاتي، إن ناس بيقولوا إنهم غلطانين إنهم قالوا إن عندنا جرأة نعمل راسين واللغة العربية دي عاملة زي الأوبرا”.
كما أشادت بحفل افتتاح مهرجان القاهرة للدراما، حيث قالت: “التكريم في المهرجان ده له طعم تاني خالص ومذاق آخر، غير المهرجانات اللي بتتعمل علشان الناس تدخل فيها ويحتفلوا بيهم، لكن كون الدولة تعمل ده والنقابة تبادر بهذا فأنا سعيدة جدًا، المهرجانات دي بتعمل نوع من المنافسة الشريفة، كل واحد عايز يبقى أحسن، ده بيمهد الطريق للمواهب إنها تفكر زي زمان، وهيتعبوا بالساعات علشان يتفوقوا وده شيء هايل”.
ويذكر أن الفنانة القديرة سميحة أيوب شاركت في دراما رمضان عام 2020، في مسلسل “سكر زيادة” مع النجمات نبيلة عبيد و نادية الجندي، ومن إخراج وائل احسان.
