سميط. مقدم ذمن شيف دينا عمر
كتبت ندي فاروق
اسم الوصفه سميط.
مقدم من شيف دينا عمر
المكونات
نص كيلو دقيق
ربع كوب زيت
2ملعقة كبيره سكر
4 معلقة كبيرة لبن بودره
معلقة ملح صغيرة
معلقة كبيرة خميرة فورية
معلقة كبيرة خل أو نص معلقة صغيرة محسن خبز
ماء دافى للعجن
الطريقه
فى طبق اخلطى الدقيق مع الملح واللبن البودره وانزلى بالزيت وافركيه ما بين ايديكى وانزلى بمعلقه الخل وقلبى وفى كوبايه اخلطى الخميره والسكر مع نص كوب ماء دافى وسبيها حوالى 10 دقائق تخمر واخلطى كل المكونات مع بعض وكملى عجن بالماء الدافى لحد ما العجينه تلم معاكى وتبقي عجينه متماسكة وطريه قسميها 4 كور و غطيها وسبيها تخمر لحد ما يتضاعف حجمها وبعدين افردى العجينه بسمك حوالى نص سنتيمتر شكليها زى الشباك أو زى الشكل الموجود في الصورة بتفرديها دايره وتعملى فيها فراغات بأى قطاعه أو حاجه مدوره وسبيها تخمر تانى فى الصينيه اللى هتخبزى فيها وادهنى الوش لبن بفرشه أو بخاخه ودخليها الفرن على درجة حرارة 200 فى النص والنار من تحت بس لحد ما يحمر
