سيب بكرة … بقلم: غرام نعيم
سيب بكرة
بقلم: غرام نعيم
المزيد من المشاركات
سيب بكرة ع المنان
ملكه وعليه السلطان
ليه تعيش في قلق حيران
خايف ليه كده من بكرة
والفكرة جاية وراها فكرة
إوعى تشيل الهم
لتكون حياتك غم
ماتسيبش أحزانك
وياها أوهامك
تاخدك طريق عتمة
ده لكل شيء حكمة
ليه بس بتفكر
وتبات حزين متعكر
ماهو كله متقدر
دي الدنيا قلابة
إن صفيت في يوم ليك
بكرة أكيد تعاديك
الكون له رب كريم
وخياره وحده عظيم
ليه تعيش بقى متضايق
بتعادي وترازي خلايق
خليك ياعم كده رايق
و عيش و سلمها للخالق
