“سيف ” أمه قتلته لأنه راح يشوف ابوه مات ضحية للخلافات الزوجية

images(33)

كتبت دعاء سنبل

سيف ضحية من ضحيات  الخلافات الزوجيه ، تزوج ابوه وامه بعد قصة حب وانجبوا طفل اسمه” سيف “بس للأسف الخلافات نشبت بينهم وانفصلو من حوالى سبع سنين “سيف ” اصبح عنده دلوقتى ١٣ سنه ابوه كان  وحشه وامه بقالها كام يوم بتعند مع ابوه ومش راضية انه يشوف سيف،  رغم ان سيف اخد اجازة نص السنة وعاوز يروح لأبوه ، وامه بقالها اسبوعين بتضحك عليه وبتقولة لما تخلص امتحانات وسيف خلص امتحانات بقالة كام يوم بس امه متخانقه مع ابوه ورافضه توديه ليه خاصة وهى عارفه سيف وابوه متعلقين ببعض قد ايه “سيف” كأى طفل كل ذنبه فى الحياة انه بيحب ابوه خرج الصبح بدرى وهى امه نايمه واخد عشرة جنيه من صاحبه سلف وقاله هيديهاله لما يرجع وركب مواصلات من الوراق لحد الطوابق عشان يقعد مع ابوه اطول فترة ممكنة لان انهاردة السبت اجازة ابوه المهم سيف ماقلش لأبوه انه خارج من ورا امه وابوه وداه البيت ، امه بعدها  كتفته بالحبال و وقعدت تضرب فيه على وشه بالقلم وبالعصايا لحد ما سيف جاله نزيف فى المخ
امه فكت الحبال الى مكتفاه بيها وجرييت بيه لكن سيف وصل مستشفى امبابه العام جثه هامدة،امه قالت ان هى لقيته بالمنظر ده قدام باب الشقه عشان تفلت من العقاب لكن رئيس مباحث الوراق اجرى تحريات وسأل شهود و استصدر اذن نيابة وعاين الشقة ولقى اثار الدم على الارض جوه الشقة وعلى الحبال الى امه نسيت تخبيها واعترفت انها قتلته سيف طفل كان كل حلمه يشوف ابوهووده كان اخر حاجة عملها قبل قتله بهذه الطريقة البشعة ، مات سيف ضحية للخلافات الزوجية وارتاح من قسوة هذه الأم رحمه الله

 

قد يعجبك ايضآ
اترك رد

لن يتم نشر عنوان بريدك الإلكتروني.