شاورما الدجاج :مقدمه من مطبخ اكلات مني صالح

كتبت سمسمه سعد

مده التحضير ساعة

مده الطهي نصف ساعة

المكونات

التتبيله
علبه زبادي ١٥٠ جرام
معلقتين خل
عصير٢ ليمونه كبيره
ربع كوب زيت زيتون
زعتر
بابريكا
توم وبصل بودر
كركم
ريحان مجفف
بهارات شاورما باب الشام
جنزبيل وزره قرفه وحبهان بودر

الطريقة

اول حاجه اتبل الدجاج وهنا انا عملت حوالي كيلو صدور تقطيع رفيع جدا بقطعه زيي البانيه وارجع اقطع شرائح بالطول

كل ده اخلطهم مع السوايل واسيب الدجاج فيهم حوالي ساعتين تلاته ولو تاني يوم بتبقى احلى واضيف عليها بصله كبيره جوانح وفلفل رومي وطماطم واشيل المياه اللي فيها
………
احط طاسه علي النار تكون واسعه واحط معلقه زيت وانزل بيها بنص كميه الدجاج واعلى النار علشان مياها ماتنزلش وتجلد مني
واعمل النص الباقي وبعد مايخلص اقلبهم الاتنين على بعض واعصر ليمونه كمان واضيف مشروم حوالي كوب للي حابب ومتوفر عنده
واحطهم تحت الشوايه ياخدوا لون
،،،،،،،،،،،
التوميه هاقولك أسهل طريقه
نصف كوب زيت
نصف.كوب لبن حليب
معلقتين خل
معلقتين عصير ليمون
فصين توم كبار مفرومين
وفنجان مايونيز كل ده في الخلاط لحد مايتقل معاكي ويمتزج كويس

اعمل بقى النشا الخاص بالتوميه
معلقتين كبار نشا
كوب مياه من المج
ادوبهم مع بعض كويس وارفعه علي النار مع التقليب لحد مايغلي ويتقل معانا
يبرد كويس واضيف على الخليط اللي في الخلاط واضرب كويس لحد ماينعم واضيف ربع نص معلقه صغيره ملح ولو تقل اوي أضيف ربع كوب لبن حليب كمان واظبط القوام
،،،،،،،،،،،،،،،،
العيش السوري للشاورما
١كيلو دقيق
عليه معلقه سكر ورشه ملح ومعلقتين زيت
وحوالي ٣٥٠ ميه مغليه
انزل المياه على المكونات واقلب بمعلقه علشان المياه بتكون مغليه لحد ماتكون عجينه
ارش علي الرخامه رشه دقيق واخدم العجينه في العجن لمده ١٠دقايق تكون ناعمه جدا
ارش الرخامه بدقيق
وابتدي اقطع العجينه كورات بالتساوي
واغطيها بفوطه واسيبها ترتاح
وربع ساعه وارجع افردها بالنشابه علد دقيق خفيف واكون مجهزه الطاسه ومنديل فيه شويه زيت وامسح بيهم الطاسه اهدي النار وابتدي اسوي العيش ولازم تكون ساخنه جدا واول مايبتدي لونه يغير ويكون دهبي اقلبه عالناحيه التانيه وافرده على صينيه واعطيه علشان ماينشفش مني واول مايبرد لو حابه احفظيه في الفريزر في أكياس محكمه الغلق
والف هنا

رئيس قسم المطبخ أ سمسمه سعد

وأ بطوط احمد