مش كنتوا قولتولنا إن أنتو ف الشدة هتكونوا حوالينا أول الحاضرين؟

وإن احنا لو نبكى.. هتمسحوا دموعنا بحنان يبان ف ايدين؟

وإن احنا لو نبعد..ورانا راح تمشوا أيام كتير شاردين؟

طب فين وعودكم دِيّا؟.. طَوِتها ليه السنين؟

سيبتونا ليه للشدة تزيد الجراح ضعفين؟

سيبتونا ليه وحدنا نبكى كما المساكين؟

نقضي الليالى بطولها..فى شجن كبير وأنين.

وبعدتوا ليه أنتو..من غير سبب واضح..ده الهجر خلانا نعيش سنين تايهين؟

بالله عليكو قولولنا..لو يوم رجعتولنا؛

إزاى نآمنلكم وأنتو إللى من غدركم صار الفؤاد دامى وكأنه ف صميمه مطعون ب ١٠٠ سكين