شريف منير يظهر مع ابنتيه عبر انستجرام ويبعث رساله تحذيريه لكل المتنمرين
كتب- أمجد زاهر
وجه الفنان شريف منير، رسالة تحذير لكل المنتقدين والمتنمرين الذين انتقدوه ابنتيه، بألفاظ خادشة للحياء، وذلك بعدما نشر صورة لهم عبر حسابه الشخصى على موقع “انستجرام” منذ أيام، وشن غضب على السوشيال ميديا بسبب المتنمرين عليهم.
وظهر شريف منير في مقطع فيديو مصور هو وبناته كاميليا وفريدة عبر حسابه الشخصى بموقع تبادل الصور والفيديوهات “انستجرام”، قائلًا: “دول المذنبين، دول المتهمين، إللي عملوا المصيبة، إلى اذوا الناس، إللي أذوا الدين، لأن الناس إللي شتموني ملائكة، بيكلمونى بالدين، البنتين الكبار أوى دول هما إللي أذوا الدنيا كلها، عموما بشكر كل الناس إلى وقفت جنبي، ودعمتني ودعمت أولادي”.
وتابع: “أنا بشكر كل الناس اللى وقفت جنبي، وبطلب من الناس إن يبقى فى وقفة قوية، يجوز إننا كنا نقطة تحول، لازم كلنا نبقى ايد واحدة، أى أذى يجيلك، أو أى تنمر يحصلك، متسكتوش، اعملوا بلاغ، الاهتمام غير طبيعى من السيد النائب العام، والناس فارق معاها جدا جدا، وعاوزين يساعدوا جدا جدا، لازم نحط حدود للناس الى بتمشيلنا حياتنا”.
وأضاف: “دول بناتى اللى اتهانوا واتجرحوا علشان كنت فرحان بيهم، فاخدت على دماغى جامد، بس الرد هيبقي جامد أوي، لا للسفالة وللقذارة أو عدم الأخلاق احنا الناس دى مش عايزها في حياتنا مش هيحصل كده لو كلنا وقفنا جنب بعض ضد التنمر”.
بينما قالت ابنته فريدة رسالة قائلة: “عاوزة أقول إن أنا اتهنت وأتاذيت وعاوزة حقي وحقي هيرجعلي إن شاء الله”، وقالت ابنته كاميليا: “ناس كتير شتمتنى وشتمت ببايا، وأنا مبحبش حد يشتم بابا، وأنا عاوزة أخد حقي”.
واختتم منير قائلاً: “وأى حد يتعرض لأذى أو إهانة هيجيله حقة لحد عنده، لإن احنا فى دولة قانون ودولة قوية جدا، والموضوع ده هيعدي ومش هيبقى فيه بعد كده على مواقع التواصل الإجتماعي لفظ واحد خارج “.
والجدير بالذكر،تعرض الفنان شريف منير وبنتيه للتنمر والتجريح بعد نشره صورة تجمع بنتيه، فريدة ١٦ سنة وكاميليا ١٢ سنة، وهو ما دفعه لحذفهالشدة التعليقات والجارحة تجاه طفلتيه،
وقبل أن يعيدها مرة أخرى ويعلق قائلا: «أنا نزلت الصورة تاني لأن شوية الهمج المتخلفين دول مش هما إللي هيحددوا أنشر إيه وما أنشرش إيه.. وأي حد هيكون على أي صفحة تخصني وتعدى حدوده، هتأخذ الإجراء القانوني ضده، إللي بيوصل للسجن أحيانا».
وتابع: «أنا نزلت صورة بناتي (الصغيرين) ولقيت تعليقات من ناس مريضة، جرحوني وجرحوا بناتي.. وتحت ضغط من بناتي ووالدتهم.. طلبوا منّي أمسح الصورة.. فمسحتها».
وفي تعليق على الصورة التي أعاد نشرها، قال منير: “أنا بالفعل خدت سكرين شوتس لبعض التعليقات الجارحة، وسأتوجه باكر إن شاء الله لعمل محاضر لمحاسبة السفلة”.
وفي اتصال هاتفي لبرنامج “يحدث في مصر” ، قال شريف منير؛ إن الإفراط في حسن النية قد يكلفك الكثير، مؤكدا على أنه تعرض للإساءة والسب بألفاظ خارجة من قبل بعض الأشخاص، جعلته يتأذى ويتضايف نفسيا، لكن في المقابل كان هناك أشخاص تدعمه ويقولون له؛ “هذه حريتك الشخصية وبناتك حلوين ولذاذ”، بالإضافة إلى شخصيات مهمة تحدثت إليه ونصحته بعدم السماح لأحد بالتحكم في حياتك، بحسب تعبيره.
