شرين عبدالوهاب : حسام حبيب هو الحيلة الدلوعة وأنا عايزة راجل… فيديو

كتبت : مريم مصطفى

قالت المطربة شيرين عبدالوهاب عن طليقها حسام حبيب أنه دائمًا يستمع لكلمات والدته، وهي التي تفرض عليه رأيها، مشيرة إلى أنها ترفض هذا النوع من الرجال، ولا تقبل أن تعيش معه في منزل واحد.

وعلقت شيرين عبدالوهاب خلال حوارها مع نضال الأحمدية: حسام حبيب هو الحيلة الدلوعة، عايز كلمته مسموعة، وأنا مش عايزة ولد ابن أمه، أنا عايزة راجل، ومش عايزة أتكلم عليه تاني، لأن هو اللي خد أكتر من حقه، مش عايزة أغلط فيه، هو مش ريفرنس عشان أحكي عنه.

وكشفت الفنانة شيرين عبدالوهاب أنها حاولت أكثر من مرة أن تُكوّن أسرة، وأن تنجب طفلًا من حسام حبيب، ولكن الأخير لم يساعدها على ذلك، مشيرة إلى أنه لم يتعامل مع الموضوع بجدّية، وأنه السبب وراء فشل تحقيق أمنيتها بأن تنجب طفلًا.

وأضافت شيرين خلال حوارها مع نضال الاحمديه أيضًا : كان نفسي أعمل مشروع أُسري وهو فشله، روحت أشيل بويضات، وده بيحتاج إجراءات كثيرة، وكانت صعبة عليّ جدًا.

وتابعت شيرين عبد الوهاب: كان لازم أشيل بويضاتي لوحدهم، بس حسام أصّر يشيل البويضات بالأجنة بتوعة، وأنا خلاص مش عايزة أخلف منه.

وقالت شيرين باكيةً: كل تعب الأسابيع والشهور راح، عشان حد مستهتر، حد مش عارف يعني إيه دنيا، ويعني إيه ست هتموت عنده وهتدفن في نفس المكان اللي هيموت فيه.

ومن ناحية أخرى ذكرت المطربة شيرين عبدالوهاب أنها حاولت أكثر من مرة أن تنتحر ولكن دائمًا هذه المحاولات كانت تفشل، حيث قالت: حاولت كتير أنتحر لكن ربنا مش عايزني.