شطحات زينه؟!!!
طيب عشان انا عندي أخ ولد وبخاف عليه ؛ فكرت اكتب كلمة بسيطة ي ريت كل ولد يشوفها ويفهم أن دا مش تحكم ومجتمع انثوي متخلف والكلام الي طلع موضة وبوظوا بيه دماغ الرجالة دا ؛ دا مجرد خوف عليكم في الزمن الاغبر دا
1# هتلاقي واحدة تقولك انا بحب الراجل المتفتح الاوبن مايند لحد لما تاخد غرضها وبعدين تقولك سوري أمي حالفة عليا اتجوز ابن خالتي إلا تحرمني من الميراث
2# تلاقي واحدة عمالة تقرب وتبعد وشوية احنا أصحاب وشوية تهتم بيك ؛ اهرب بجد اهرب ، النوعية دي مهما مثلت استحالة تتجوز وتامن علي بيتها وعيالها مع راجل لفت معاه وراحت وجات
3# الرجالة المتدينة الي بتتخدع في البنت عشان ال ايه محترمة ومش بتلبس بكيني غير في الساحل وعلي الانستجرام بس ؛ ي جماعة اللبس مش كل حاجة ؛ ولا الصلاة والأعمال الخيرية بجد في متدينات أبشع من العلمانيين ودول عقابهم عند ربنا الضعف عشان بيشوهو صورة التدين الوسطي الجميل
4# أخطر نوع بقي الي تجيب مامتها ويقابلوا مامتك واحنا هناخد حمادة لميادة بس بعد ماتخلص كورس الميكب مع باكيناز شلباية؛ ووشف الضيف بقي كل شوية خروجات وسرمحة وهي اصلا مش كاتبة علي الفيس أنها مرتبطة بس اتخانقت معاك انك تكتب كدا عشان البنات التانية بس تعرف انك taken
#الخلاصة
متخرجش من بيتك إلا لغرض شرعي ؛ والله الدلع في الجيم مش بيجيب عرايس
البس لباس شرعي واحذر فتنة السلسلة الفضة والشعر الكنيش بجد مافيش بنت محترمة ترضي تتجوز راجل بالمنظر دا
مافيش حد هيرحمك ي ابني خليك آمين مع نفسك مهما كانت البنت زبالة في الأخر الموضوع في ايد الراجل هو الي بيشجع الست أو يصدها
وانتو ي بنات بالله عليكم قبل ماتكسروا قلب ولد أفتكروا أن عندكم اخوات صبيان هيتردلهم الي بيتعمل في ولاد الناس
#معندكيش_اخوات_صبيان
#ملك_في_مملكة_زوجتي
#زوجتي_الحبيبة_خذي_بيدي_الي_الجنة
#انا_حبيب_سوسو
