شفت ازاى يا حبيبي وعنيه
ربنا قادر ع المفترى
وف امثالنا كمان الشعبيه
قالوا عمره مايكسب أبدا
اللي يجى مره علي وليه
طول اليوم نكد وزعيق
اهدى علينا بجد شويه
فاكر لما ظلمتني مره
وروحت قايم كده متنرفز
ومتغاظ مني حتة غيظه
ومن غضبك بقيت مش شايف
قمت لبست حبيبي ف الحيطه
ولسه يادوب بتلف هتقعد
رجلك خبطت ف التربيزه
وانا قاعده يا حبيبي مكاني
ومن بعيد انا راميه وداني
سامعه وشايفه. اللى حصلك
وانت بتصرخ آااه يارجلي ياني
وقعدت اضحك فرحانه فيك
وانت باصصلي وبتبرقلي كده بعنيك
عاوز تقولى حقك ورجعلك
علشان جيت يا حبيبتي عليكى
بس الخبطه. مأثره. فيك
انا مش شيخه صحيح دى مصادفه
بس بجد صدفه سعيده وكانت فرصه
خلتنى شويه اشمت فيك
واموت م الضحك انا عليك
انا عيله جداا علي فكرة
والله لا أفضل اعاير فيك
واحكى الموقف ده لإخواتك
وهيطلع كله علي عنيك
