شوربة خضار مقدمه من الشيف المتميزة سماح محمد
مقدمه من : سماح محمد
وقت التحضير : ٣٠ دقيقه
وقت الطهي : ساعه
شوربة خضار
للدايت ، للبرد ، راحه للبطن من اي تعب؛ كل ده شغاااال وطبق فيه كل العناصر الغدائيه من بروتين ونشويات وخضار
مكوناتها :
ربع كوسه
ربع جزر
ربع بسله
ربع فاصوليا
ربع بطاطس
واحدة بصل متقشره وسليمهز
حوالي معلقتين كبار جنزبيل فريش ومتقطع رفيع اوووي
ربطة كرفس اخضر
لسان عصفور
كيلو صدور متقطع شرايح صغيره
الطريقه :
نغسل ونقطع الخضار كله علي بعض ومعاهم الجنزبيل ومتنسوش تغسلو البطاطس لوحدها بعد ما تقطعوها
نشوح الصدور المتقطعه مع بصله متقطعه ٤ ارباع ورشة فلفل اسمر ومعلقتين زيت لغاية ماينزل مايته وتنشف وتحسوها حتبتدي تتحمر
شيلو منها البصل وطفو عليها
في حله كبيره نغلي مايه ومعاهابصله كامله وحوالي ٤ فصوص حبهان
وننزل بالخضار والفراخ
قرب ماتحسوهم استوو نقطع الكرفس وننزل بيه علي الشوربه
ونحمر لسان العصفور في معلقتين زيت وننزل بيه علي الشوربه وننزل بالملح حسب رغبتنا ونرش فلفل اسمر ويدوب غلوتين ونطفي
عصير لمونه بقي لو تحبو علي الطبق اللي حتاكلوه
وبالف هنا ☘️
♨️اهم عنصرين في الطبق ده الجنزبيل والكرفس ♨️
