شيرين عبدالوهاب : أنا رضيت بالهم، والهم مرضيش بينا

شيرين عبدالوهاب : أنا رضيت بالهم، والهم مرضيش بينا

كتبت : مريم مصطفى

أشارت المطربة شيرين عبدالوهاب أن الفرق بينها وبين طليقها حسام حبيب أنه دائمًا يضع خططًا كبيرة لأحلامه يعجز على تحقيقها، ولكنها امرأة واقعية وتضع خطط وأحلام من الممكن أن تحققها يومًا ما، لذلك تصل لأحلامها وتنجح بشكل كبير.

 

وتحدثت شيرين عبد الوهاب عن حسام حبيب خلال حوارها مع الإعلامية اللبنانية نضال الأحمدية، حيث قالت: اتعودت لما أحلم أحلم على قدي، محلمش حلم كبير وميتحققش منه حاجة، وده الفرق بيني أنا والأستاذ حسام.

وتابعت شيرين عبد الوهاب: عايزة أحقق أحلامي المكبوتة، وعندي خطة لكن معنديش تواريخ، وهرجع للجمهور تاني إن شاء الله.

وواصلت الفنانة شيرين عبدالوهاب أنها شعرت بالآلام النفسية أثناء فترة زواجها من حسام حبيب، مضيفةً: أنا رضيت بالهم والهم مرضيش بينا.

وعقبت شيرين قائله: أنا كنت بحب سرطان لأني لما بحب بدي كل حاجة، وارتباطي بيه بقا ضعف وخوف وأنا مبحبش أكون ضعيفة.

 

كما علقت شيرين عبدالوهاب عن المرأة المصرية، حيث قالت: الست عندنا في مصر غير مرفهة، بدبلة واحدة خلاص هي كده اتجوزت، ومهري بيبقى 25 قرش، مين ممكن ترضى بكده إلا المصرية؟

وأضافت شيرين عبدالوهاب: الست المصرية بس هي اللي بتقبل تتجوز راجل على قد حاله، وأنا بنت أصول ولما بحب بحب بجد، والراجل عندي يتشال فوق الراس.