شيرين عبد الوهاب موقفها من حذف أغانيها واخر تطورات الخلاف مع روتانا … تفاصيل 

 

شيرين عبد الوهاب تتحدث عن خلافها مع شركة روتانا وترد عن حذف أغانيها من ذاكرة روتانا في حوار مع الاعلامي عمرو اديب من خلال مهاتفة تليفوني

 

متابعة انتصار محمد حسين 

كشفت شيرين عبد الوهاب خلال الساعات الماضية، عن التفاصيل الكاملة لأزمتها مع شركة روتانا للمرئيات والصوتيات، من مداخلتها الهاتفية مع الإعلامي عمرو أديب، في برنامجه «الحكاية»، المذاع عبر شاشة MBC مصر.

تفاصيل أزمة شيرين عبد الوهاب مع روتانا

ردت شيرين عبد الوهاب، على سؤال عمرو أديب عن كفية إيقاف أغانيها، على الرغم من انتهاء العقد، قائلة: «يوقفوها، طول عمرهم في أذى،

والأذى ابتدى من أول شرط أن أنا أخد غنوة منك ومعملكيش دعاية، يبقى النية هنا إيه يا فندم؟، أنا بقى بناشد بلدي أن أنا شيرين عبد الوهاب مطربة كبيرة جدًا أنا آسفة أني بقول الكلام ده».

 

واكملت قائلة :

((أنا عايزة بلدي تحميني من الكلام اللي بيحصل دلوقتي، لان أنا مغلطتش في حاجة وقعدت سنين مبتكلمش، وسكوتي ده خلاهم يفتكروا أني ضعيفة وأنا مش ضعيفة أنا قرش عنده سنان حامية جدًا وبتطلع وقت اللزوم، شكلهم واصلين، واصلين في الأذى».

 

وعن موقفها من روتانا 

هل تتصالح ام لا؟

عبرت شيرين عبد الوهاب عن استيائها الشديد من التعامل مع شركةروتانا، قائلة: «أتصالح مع حد قعدني في البيت 4 سنين، أنا قلبي وجعني وكلمت الدكتور من كتر نجاح الأغاني الجديدة»، بالأضافة ألى أنها تعمدت حذف أغانيها من المنصات.

 

واكملت حوارها مع الإعلامي عمرو أديب قائلة : «تواصلت مع توني سمعان موزع روتانا، وطلبت منه أن يأخذ منها الأغاني، ولكن رفضوا استلام الأغاني، مش عايزين يستلموا الأغاني، عايزين شيرين عبد الوهاب حصري، مهما روتانا عملت هنزل الأغاني على البوتاجاز، والنجاح اللى أنا فيه دلوقتى الفضل فيه يعود للناس».

 

وخلال المداخلة، أكدت أن الكثير من التصريحات عن الأزمة غير صحيحة، قائلة: «مع كامل احترامي لكل اللي اتكلموا في الأزمة، قسماً بالله

كل كلامهم غلط وكذب

ما أنهت به حديثها

وأنهت حديثها أنا فنانة جمهوري كبير أوي هيقف لهم، وعايزة أقول حاجة أخيرة، أنا سجن النسا وحشني جدا، مستعدة أتسجن عادي جدا ومش فارقة معايا حاجة، ونفسي أجرب تجربة سجن النسا، وهبقى كوين في السجن، خلاص جتتي نحست.