كتبت : رحاب العوضي
ما فعلته الفنانة شرين عبد الوهاب أثار ردود أفعال واسعة النطاق ليس في مصر فقط بينما في كافة أرجاء الوطن العربي، وهذا جانب من التعليقات ما بين متعاطفين معها ومعارضين لها، وإليكم التعليقات.
“حلق المرأة لشعرها شدة الألم”
– حلق المرأة لشعرها بعد الإنفصال علامة من علامات شدة الألم وفقدان التوازن ..
– حلق المرأة لشعرها صرخة ألم فى محاولة لخفض الوجع
وتحرير أكبر كم من الثورة والغضب والإنفعال ..
– حلق المرأة لشعرها بعد الانفصال يحدث غالباً عند غير المتزنات نفسياً وأصحاب الشخصية الحدية أو الهستيرية ..
– حلق المرأة لشعرها بعد الإنفصال رغبة قوية و دفينة فى الثورة على نفسها والتغيير ربما تستطيع وربما لا ..
– الطلاق يُعد أكبر أزمة فى حياة الإنسان بعد فقد عزيز وفقاً للدراسات والابحاث بغض النظر عن الرغبة فيه أو رفضه وبغض النظر رجل أم إمرأة.
“مش مسامحاها علي فعلتها”
جمااعة الخبر دة و المنظر دة
مضايقنى اووووى انا بحب شيرين عبد الوهاب جدا مش مسمحاها ابدا انها تعمل كدة فى نفسها المرض بس هو اللى يخلى الانسان كدة غصب عنه تمامااا لكن واحدة ست بايدها تعمل كدة فى نفسها و كمان نجمة
ممكن تخسر نجوميتها و جمهور حفالاتها لا دة مش مسموح و لا مقبول و لا هو حل اصلا و لا تفريغ شحنة دى جريمة كبيرة اووووى عملتها فى حق نفسها.
**وما بين هذه التعليقات نرصدها كما هي**
“متعاطفة معاها جدآ”
هو الحزن ممكن يعمل كده ايوه يعمل اكتر من كده قهره النفس وكسره القلب و الخاطر ممكن تعمل اكتر من كده شيرين عبدالوهاب عارفين انا زعلان عليها والله، ومحدش ينتقدها من اللي عملته، واحده حبت واحد جدا وادته كل ما تملك وادته شقي عمرها وامنته ع حياتها وف الاخر ضحك عليها وخد كل حاجه، احنا لما بندخل علاقه ونخسر الشخص اللي معانا بنقعد تعبانين فتره جامده مش بمزاجنا لا غصب عننا من العشره والايام الحلوه، ربنا يقدرك وتقفي ع رجلك تاني، حتي لو بتضحكي ومبينه انك قويه علي فكره ده نوع من اكتر انواع الاكتئاب عند المراه وساعات بيوصل لمرض نفسي أن الست تستغني عن اجمل ما يزين المراه وهو شعرها بجد انا متعاطفه معاها جدا ربنا يقويها بالرغم من ضحكها اللي جواها محدش يعرفه غير ربنا
صعب قوي ان الست تعطي حد الحب ده كله وتاتمنه علي نفسها وبعد كده يتخلي عنها ويغدر بيه.
“أنا أقدر أستغني عن أي حد”
طاب والنعمه مافي راجل يستاهل انك تعملي كدا بس انا مبسوطه لانها بالحركة دي بتقول انا أقدر استغنا عن اي حد واي حاجة انا ادعم الفنانه شيرين عبدالوهاب وياريت محدش ينتقدها روحها وصوتها ودمها كلها عسولة.
” الموت مش بس في التربة”
ظهور شرين بعد الطلاق حلق شعرها تمام يدل علي عدم الاتزان النفسي و تحتاج الي مساعدة ودعم
أوقات كسرة القلب و النفس تموت الإحساس بالجمال الاندفاع
خطر نفسي اندفاع الايذاء
محتاجة دعم نفسي
القلب لما بيموت و ينكسر بيموت معه كل حاجة حلوة قبل ما تعلق حد بيك فكر في لحظة كسرة النفس انك ممكن تكون عنده الحياة وكل حاجة حلوة الموت مش بس في التربة اسوء موت بالحياة وانت عايش ميت رسالة الي كل من ينهزم كل حاجة ممكن تتعوض اللي النفس
لما حد حوليك بيمر بظروف صعبه لازم نكون معهم تمسكوا بالله ربنا بس القادر علي إنشاء و تصليح نفسك.
“الأنتقام من نفسها لسزاجتها”
الالم النفسي ( والمطربة شرين عبد الوهاب) احدي صور التعبير عن الالم والضيق النفسي والخزلان والاحباط والياس والاكتئاب هو حلق المراة شعرها كتعبير عن الحزن القاتل لان شعر المراة هو تاجها وفخرها وكأنها تخلع عنها تاجها وتلقيه في الارض من شدة الحزن والالم وفي نفس هو رغبة في الانتقام من نفسها لانها كانت ساذجة ومخدوعة وصدقت زوجها واحبته وكذلك هي نوع من التنفيس عن مشاعر الالم ونهاية قصة حب فاشلة وبداية صحوة وحياة جديدة والتعافي تدريجيا من الالم.
” أنا زعلانة عليها”
شيرين عبدالوهاب الجميلة
عارفين انا زعلان عليها والله، ومحدش ينتقدها من اللي عملته، واحده حبت واحد جدا وادته كل ما تملك وادته شقي عمرها وامنته ع حياتها وعلى ولادهاوف الاخر ضحك عليها ومحصلش نصيب، احنا لما بندخل علاقه ونخسر الشخص اللي معانا بنقعد تعبانين فتره جامده مش بمزاجنا لا غصب عننا من العشره والايام الحلوه، ربنا يقدرك وتقفي ع رجلك تاني، حتي لو بتضحكي ومبينه انك قويه كل الدعم لجميلة شرين عبد الوهاب.
التعليقات مغلقة.