صلاح عبدالله يتحدى العثمانلي ومعه شاعر الأزهر و متابعيه من شعراء مصر

كتبت
فاتن فتح الله نصر
========
وشاعرنا الجميل صلاح عبدالله الذي ينطلق شعره بروح ابن مصر الأصيل
انطلق منفعلا بالأحداث ضد العثمانلي أردوجان

بيرم المصري كما أطلقنا عليه في جريدتنا التي تعرف قدر كنوز الإبداع المصرية
الفنان المصري الأصيل …. صلاح عبدالله
ابن البلد المصري النجم والشاعر الذي يذوب عشقا في وطنه

تعليقا على الأحداث كتب على صفحاته على مواقع التواصل الاجتماعي

آه يالالالي
ياعيني يالالالي
ياسيدي يالالالي
إبعد عن ليبيا
يا واد يا عُثمانلي

وفي دعوة لمتابعيه من شعراء الوطن ليحاجوه
قال
(لسه ها اكملها وها اعمل حركة ودعوة للأصدقاء الشعراء بالمشاركة)

رد
أحمد كامل أبوحمزة

=========
اه يا لالالي
وعيني يا لالالي
وسيدي يالالالي
مجنون الخليفة تمالي
يحلم ببترول ليبيا ما يخلي
شاف احفاد المختار
رجع اسطمبول بهلول بيغني
اه يا لالالي
عيني يا لالالي
سيدي يا لالالي

دكتور علاء أحمد السيد …. أو د.علاء جانب
أستاذ اللغة العربية بجامعة الأزهر
شاعر الأزهر
والفائز بلقب أمير الشعراء في الموسم الخامس

شارك قائلا
=======

قلت كتير ومحدش قاللي..
عّن البعيد ابن الدرمللي

ح يعلقوه من سقف عمايله
على حلْق بوابة المتولي

احنا مصر اسأل أجدادك
أي جيش قدامنا يولّي

ح تزق ح نجيبك على ضهرك
ح تعلّي في البنيان ح نعلّي

أحنا ناس مش هشك بشك
احنا ناس بنصوم ونصلي

من بداية الكون وتاريخنا..
أهرامات ومعابد م اللي

لو دخلت معانا في لعبة
راح تقول انا اي اللي حصل لي

اه يا لالي يا لالي يا لالي
اخفا من المنطقة يا حلولي

وتجاوب الشاعر المصري
د.أيمن عبد الحميد الذي احتار لقب فنان إنسان

وقال
====

وآه يالالاللي… ويالاللوللي…
عاللي ف وسط الزحمة نادوللي…

وسحبوا ربابة قول وقاللولي…
قلت هاتحكوا.. عاللي اللي مسافر… قالوا لأ دا اهبل وهابلوللي..

اراجوز ارجز وابن فكاهه..
خرسيس أدبه وسيس ومانوللي…

قام من نومه مخدر حبه..
فراح يستعرض طوله ف طوللي.

فط وحط ونط النطة
وقال انا فارس أرض الله
حط ف ليبيا
وهب الهبة
وشد ف ديله وقال باركولي…

قلنا يا اهبل يابن اله….. له….
ارجع جحرك واقرا كتابنا..
يمكن تفهم ان الهبلة لما سابوها تشيل الطبلة
كانوا راصدينها وجم وقالولي

. اة يا لالاللي ويا هباللوللي..
يمكن تفهم ان سحابنا…
رخ نسور منثور وترابنا …
عصف بارود مرعود… وبطوللي…
واه يالالاللي ياللاللولي

وقال أحد متابعي بيرم المصري
وهو

د.عادل عبدالرحيم
=======
اه يا لالالى
يا سيدى يا لالالى
ابعد عن
ليبيا يا عثمانلى
قبرك فيها
وف اراضيها
اهرب احسن
واخفى وولي

ورد أحد أصدقاء عم صلاح
أستاذ …عمرو فهمي
=========

ابعد عن ليبيا
يا عثمانلي

ده اللي يفكر يعادينا يوم …
يحفر فيها قبره تملي

وعينيه مش حاتشوف النوم ..
اللي يجي علي مصر يا لالالي

ويعيش ويموت مهموم …
لو ظلمنا في يوم يالالالي

واه يالالي يالالي يالالي ..
ابعد عننا ياعثمانلي

وحاجى الكثير من المتابعين بجمل قصيرة جميلة

بالطبع
اي حرب ليست بالكلمات ولا بالأشعار
ولكن
هذه هي المشاعر التي ستكون وقت الجد اعمال
قد يختلف المصريين فيما بينهم
لأنهم دائما يريدون مصر أروع

يختلفون حتى قد يسبون على نحو ماقاله
جاهين
أكرهها والعن أبوها بعشق زي الداء
على إسم مصر التاريخ يقدر يقول ماشاء

عند الجد مصر تسعة تسعين مليون جندي
روحهم فدا مصر

فاتن نصر