صنية دجاج بالبطاطس والخضار مقدم من سوميه شرف الدين

كتبت اسماء عزازي
مقدمه الوصفه سوميه شرف الدين
مده التحضير 15دقيقه
مدة الطهي 45 دقيقه
المقادير

دجاجه او اتنين او وراك حسب الرغبه
بصله كبيره
4 وحدات بطاطس متوسطين متقطعين حلقات متوسطه
4 وحدات فلفل رومي متقطع حلقات
جزره متوسطه متقطع حلقات رقيقه
فلفل حراق حسب الرغبه
طمطمايه صغيره متقطعه حلقات
ربع كيلو بسله
نص معلقة صغيره فلفل اسود
معلقه صغيره ملح
ورقتين لوري
اربع وحدات حبهان
مكعب مرقة دجاج
معلقتين زيت

الطريقه

ننقع الدجاج في ماء وملح وخل عالاقل ساعتين. ثم نشطفها ونصفيها جيدا

في صنيه عالنار تضاف كوبايتين ماء واللوري والحبهان ومكعب مرقة دجاج تغلي ننزل بالدجاج ونسيبها تغلي لمدة عشر دقايق تبقى نصف نضوج
في طبق غويط ننزل بالخضار كله وعليه الملح والفلفل ومعلقة زيت وندعكهم كويس
ننزع الدجاج من الصينيه وننزل بالخضار في الصوص الباقي منها ونقلبه كويس ونتركه على النار من خمس لسبع دقايق لحد مايبقى ثلث ارباع نضوج
نرص الدجاج او الوراك على الخضار ونغطيها جيدا ونسيبها على النار تتشرب مائها وتكمل نضجها حوالي عشر دقايق
نرفع الغطا وندهن وجه الدجاجه بمعلقة الزيت الباقيه وندخلها الفرن ونشغل الشوايه 3 دقايق بس تاخد لون
نخرجها نقدمها وجنبها ارز بالشعريه ونقدمها
مدير قسم المطبخ لجريدة أسرار المشاهير اسماء عزازي
سمسمه سعد