صوت الأمل
بقلم: نسرين فاروق
صوت الأمل جوا القلوب
بيشبه حبات المطر
يسقى قلوب عطشانه ود
بدعاها يتغير قدر
زي الدعا في وقت النهار
زي السجود وقت السحر
زي الأراضي العطشا
لما في لحظه يرويها المطر
زي السكوت وكلام يموت
وقلوب بتضوي كالقمر
المزيد من المشاركات
زي السفر مشوار طويل
وطيور مهاجرة في ليلها
مقسوم السهر
زي الدفا اللي بشوفه في عنيها
يجوز…
زي الوفا اللي بنحلم نلقاه…
في القلوب
زيك حبيبتي بضحكتك
وبكاكي والصوت والسكوت
والغنوة… والناي….. والقمر
صوت الأمل