ضمانات قانونيه تضمني بيها حقك في عقد الجواز
لازم تكتبي في القسيمه عنوان مسكن الزوجيه عشان دي نقطه بيغفل عنها كتير وممكن تأثر بعد كده لما تكوني حاضنه انك تثبتي حقك في المكان ده طول فتره حضانتك للأولاد 2 – من حقك وضع شروط خاصه ليكي اما متعلقه بمحل اقامتك بعد الجواز او تكملي تعليمك او تستمري في شغلك او تستقلي في ذمتك الماليه او تسافري معاه او شرط انه ميتجوزش عليكي بدون علمك او ان المنقولات تكون من حقك وباسمك في حاله الطلاق او تعويض مادي في حاله طلاقك دون علمك 3 — مؤخر الصداق لازم يتكتب بقيمته الحقيقيه عشان دايما النقطه دي مؤثره في الحالات اللي الست بترفع فيها دعوي خلع وبيبقي لازم تدفع تاني مقدم الصداق اللي اخدته من الزوج وقت العقد والمبالغه في قيمه المبلغ ده مش لمصلحتك بعدين ونصيحه تانيه بلاش جمله الصداق المسمي بيننا لأنها بتفتح باب التلاعب وممكن تبقي عائق في وقت الخلع لان الزوج ممكن يستغل الثغره دي ويطلب مبالغ خياليه لانه مكتوب بصيغه غير معلومه
