طاجن السمك بالبطاطس
مقدمه من شيف عبير سيد
مده التحضير : 40 دقيقه
مده الطهى : 30 دقيقه
اسم الشيف /عبير سيد
المقادير
3سمكات ماكريل
4 حبات بطاطس مقطعه شرايح رفيعه
2بصله كبيره مقطعه قطع صغيره
2حبه فلفل رومى اخضر
2حبه فلفل الوان أحمر واصفر
2حبه فلفل مفروم بارد او حامى
معلقه كبيره صلصه طماطم
ربع كوب صغير ميه
3معالق كبيره عصير ليمون
2معلقه كبيره خل ابيض
ربع كوب صغير زيت
نصف معلقه من : كمون فلفل اسمر كزبرى ناشفه
بهارات سمك ملح حسب الرغبه
الطريقه
ننضف السمك ونغسله كويس جدا
نحضرطبق ونضيف الفلفل المفروم والثوم المفروم وعصير الليمون والخل ونصف البهارات اللى ذكرناها والملح ونقلبهم كويس مع بعض ونتبدى نتبل السمك ونسيبه فى التتبيله لمده ساعه
بعد كده نبتدى نقطع الفلفل الالوان مربعات صغيره
نحضر اناء ونحطها على النار وننزل بالزيت واول ما يسخن ننزل بالبصل ونقلبه كويس لحد ما يتبل معانا بعد كده نضيف الفلفل الالوان ونقلبه مع البصل لمده دقيقتين نضيف البطاطس والصلصه وربع كوب الميه وباقى التوابل والملح ونقلبهم مع بعض ونسبهم على نار هاديه لحد ما البطاطس توصل لنصف سوى
نحضر الطاجن ونضيف البطاطس مع البصل والفلفل الالوان ونفردهم فى الطاجن ونرص عليهم السمك وندهن السمك بالصلصه وشويه من الزيت وندخله الفرن ساخن مسبقا ونحط الطاجن فى الرف الوسطانى لمده نصف ساعه بعد كده نشغل الشوايه ياخد لون
ملاحظه
نسخن الطاجن فى الفرن قبل ما نحط فيه البطاطس والسمك لسرعه التسويه
فوائد السمك
يحتوي السمك على نسبةٍ عاليةٍ من فيتامين د، وخاصّة الأسماك الدهنيّة؛ كالسلمون، والإسْقُمريّ] لكن تجدر الإشارة إلى أنّ كميّة فيتامين د في السمك تختلف تِبعاً لنوعه، وكميّة الدّهون الموجودة فيه، بالإضافة إلى موسمه،ويُساعد هذا الفيتامين على الحدّ من خطر الإصابة بالأمراض، ويُعزّز صحّة العظام، ويُشار إلى أنّ الحصّةً الواحدةً من سمك السلمون التي تُعادل 85 غراماً تُزوّد الجسم بـ 75% من الكمية المُوصى بها يوميّاً من فيتامين د. الأوميغا 3: تتميّز الأسماك الدهنيّة باحتوائها على نسبةٍ عاليةٍ من الأحماض الدهنيّة أوميغا 3 التي تُعزّز وظائف الجسم والدّماغ، وتحدّ من خطر الإصابة بالعديد من الأمراض، وتدعم نموّ الجسم، كما أنّ حمض الدوكوساهيكسينويك ؛ وهو أحد الأحماض الدّهنيّة أوميغا 3 يُحسّن نمو العين والدّماغ، ويُنصح تناول حصّة واحدةٍ أو حصّتين من هذه الأسماك أسبوعيّاً؛ لتزويد الجسم بحاجته من أوميغا-3.
رئيس قسم المطبخ أ سمسمه سعد
تابع ايضالحمه بالخضار في الكيس الحرارى مقدمه من شيف متي التابعي
التعليقات مغلقة.