طاجن اللحمة بالبصل مقدم من الشيف عواطف لبيب
الــمــقـاديــر
كيلو لحمة ناعمه ( فليه ، موزة ) مسلوقه
بصله كبيرة متقطعه جوانح رفيعه
معلقه توم مفروم
2 حبة كبيره طماطم مبشورة
2 معلقه كبيره صلصه
معلقه كبيرة ســكــر
قرن فلفل شكه
قرن فلفل رومى متقطع
معلقه كبيره سمنة بلدى او زبده و زيت
مرقة لحمة
الــتــوابــل
ملح
فلفل اسود
معلقه حبهان مطحون
معلقه صغيره كبابة صينى
بشرة جوزة الطيب
مكعب مرقه
طــريــقــة التحضير
نسلق اللحمه سلق عادى
نقطع البصله جوانح و على نار هادئه نحط الطاجن على شياطه على البوتاجاز مباشرة و نحط عليها معلقة سمنه و نشوح فيها لحد ما تدبل و تدخل على صفار خفيف
ننزل عليها التوم المفروم علشان ريحته تطلع و بعدين نضيف التوابل و مكعب المرقه مع قرن الفلفل الحامى صحيح علشان التوابل تطلع ريحتها مع البصل و التوم
و بعدها نضيف الطماطم المبشورة و الصلصه و معاهم معلقه كبيرة ســكــر و قرن الفلفل الرومى المتقطع
و نقلبهم مع بعض حتى يختلطوا جيدااً ثم نغطيهم و نتركهم يتسبكوا كويس جداااً
بعد ما يتسبكوا نضيف كوب : كوب و نص
شوربه ( مرقة ) لحمة تكون سخنه مغليه
و بعدين نحط قطع اللحمة المسلوقه فى التسبيكه و نتركها تتشرب من طعم التسبيكه و ترجع تتسبك تانى بهدوء و تتشرب كل الطعم
و بعد ما تتسبك بالسمك المطلوب نظبط الطعم بالملح و الفلفل الاسود
ندخل الطاجن تحت الشوايه ياخد لون ووش تحمير
و بعدها تطلع من الفرن بريحة روعه و طعم خيالى فى الجمال جربوها حقيقى هتعجبكم جدااااااااااااااً
بالف هنا و شفاا عليكم
