كتبت سمسمه سعد
مدة التحضير 45 دقيقة
مدة الطهى 60 دقيقة
المقادير
كيلولحم مقطعة مكعبات
2 ثمرة بطاطس مقطعة مكعبات
باذنجان رومي مقطع مكعبات
ثمرتين جزر مقطع مكعبات
2 ثمرة بصل متقطع حلقات او شرائح
3 قص توم مهروس
٢كوب عصير طماطم متصفية
معلقتين صلصة طماطم متدوبة في كوب ونصف
ملح وفلفل اسود وبهارات
فصين مستكة
معلقة سمنة
ورق لورى
طريقة التحضير
نضع السمنة في إناء غويطة وسيحي فيها المستكة
ثم حمري فيها اللحم شوية لغاية ما تتشرب مايتها ويبقى لونها بني
شيلي اللحم في طبق خارجي
حمري البصل مكان اللحم لغاية ما يبقى لونه اصفر
ضيفي الثوم حتى ما يبقى لونهم دهبي
ثم نضع الخضار والتوابل وقلبيهم جيدامع البصل والثوم المتحمرين لغاية ما الخضار ياخد من لون وطعم البصل
هاتي طاجن الفخار او البايركس نضع نصف الخضار ثم اللحم وبعدين نصف الخضار التاني
حطي الصلصة والطماطم فوق الخضار وغطيه بالفويل او الغطا الفخار ودخليه الفرن على درجه حراره هاديه حتى النضج
شيلي الغطا وشغلي الشواية عشان الوجه يتحمر ثم قدميه والف هنا
رئيس قسم المطبخ أ سمسمه سعد
واسماء عزازي
